Satara:  प्रभावी करिअरसाठी इंटेरिअर डिझाईन व आर्किटेक्चरबाबत विद्यार्थ्यांमध्ये वाढती क्रेझ असून येथील यशोदा कॉलेज ऑफ आर्किटेक्चरमध्ये ‘इंटेरियर डिझाईन आणि आर्किटेक्चर’ अभ्यासक्रमासाठी प्रवेश प्रक्रिया मार्गदर्शन कक्ष सुरु करण्यात आला आहे.

पूर्वी केवळ काही सर्जनशील विद्यार्थ्यांद्वारे निवडले जाणारे आर्किटेक्चर आणि इंटेरिअर डिझाईन या अभ्यासक्रमांना आता भारतभरातील विद्यार्थ्यांमध्ये सर्वाधिक मागणी आहे. बदलती शहरी जीवनशैली, वाढते रिअल इस्टेट क्षेत्र, शाश्‍वतता व सौंदर्याविषयी वाढती जाणीव या सगळ्यांमुळे हे क्षेत्र दिवसेंदिवस लोकप्रिय होत आहे. ठोस करिअर संधीं म्हणून या क्षेत्राकडे पाहिले जाते. यशोदा कॉलेज ऑफ आर्किटेक्चरमध्ये आर्किटेक्चर अभ्यासक्रमासोबत डिप्लोमा इन इंटिरियर डिझाईन अभ्यासक्रम देखील उपलब्ध आहे. हा डिप्लोमा अभ्यासक्रम विद्यार्थ्यांच्या नवकल्पनांना वाव मिळवून देण्यासाठी महत्त्वाची भूमिका बजावणार आहे.

डिझाईन प्रक्रियेमध्ये आर्टिफिशियल इंटेलिजन्स आणि थ्रीडी प्रिंटिंग या तंत्रज्ञानाचा झाल्यामुळे या क्षेत्रामध्ये विद्यार्थ्यांची रुची वाढत आहे. आर्टिफिशियल इंटेलिजन्सचा वापर करून इमारतींचे डिझाईन ऑप्टिमाइझ करता येते, इंटेरिअर लेआउट तयार करता येतो. थ्रीडी प्रिंटिंगमुळे बांधकाम व प्रोटोटायपिंग प्रक्रियेत आमूलाग्र बदल झाला आहे. प्रगत तंत्रज्ञानामुळे डिझाईन प्रक्रिया अधिक सर्जनशील, वेगवान, हुशार आणि खर्चिकदृष्ट्या कार्यक्षम झाली आहे. यामुळे शिक्षण आणि प्रत्यक्ष कामामध्ये नव्या संधी उपलब्ध झाल्या आहेत.

यशोदा कॉलेज ऑफ आर्किटेक्चरने बी. आर्च. पदवी अभ्यासक्रमासोबतच इंटेरिअर डिझाईनमध्ये विशेष डिप्लोमा कोर्स देखील देते. हे दोन्ही अभ्यासक्रम आधुनिक डिझाईन क्षेत्राच्या गरजा लक्षात घेऊन तयार करण्यात आले आहेत. नियमित वर्कशॉप्स, उद्योग क्षेत्राशी भागीदारी आणि प्रत्यक्ष साईट-आधारित शिक्षण यामुळे येथे शिकणारे विद्यार्थी नोकरीसाठी तयार होतात. आम्हाला आमचे विद्यार्थी फक्त ट्रेंडचे अनुकरण करणारे नकोत, तर ट्रेंड सेट करणारे हवे आहेत.

यशोदा कॉलेजमध्ये आम्ही डिजाईन थिंकिंग, पर्यावरणीय मूल्ये आणि तांत्रिक साक्षरता या गोष्टींवर विशेष भर देतो, असे या कॉलेजचे प्राचार्य आर्किटेक्ट सुहास तळेकर यांनी सांगितले. डिझाईन आता केवळ एक व्यावसायिक क्षेत्र उरलेले नाही तर ते एक चळवळ बनली आहे, ही चळवळ उद्याचे जग घडवते आहे. यशोदा कॉलेज ऑफ आर्किटेक्चरमधील या अभ्यासक्रमाविषयी माहिती घेण्यासाठी प्रवेश प्रक्रियेविषयी माहिती घेण्यासाठी विद्यार्थी आणि पालकांनी भेट द्यावी, असे आवाहन यशोदा इन्स्टिट्यूटच्यावतीने करण्यात आले आहे.