न्यूयॉर्क : अमेरिकेने भारत आणि ब्राझीलसारख्या देशांना दुरुस्त करणे आवश्यक आहे, असे अमेरिकेचे वाणिज्य मंत्री हॉवर्ड लुटनिक यांनी म्हटले आहे. या देशांनी अमेरिकेला योग्य प्रतिसाद देऊन त्यांची बाजारपेठ उघडली पाहिजे आणि अमेरिकन हितसंबंधांना हानी पोहोचवू शकतील अशा कृतींपासून दूर राहिले पाहिजे, असेही त्यांनी म्हटले आहे. ट्रम्प प्रशासनाने भारतावर ५० टक्के कर लादले आहेत, त्यामध्ये रशियाकडून तेल खरेदी करण्याबद्दल २५ टक्के कर लादण्यात आला आहे. हे आयात शुल्क अमेरिकेने जगातील कोणत्याही देशावर लादलेल्या सर्वोच्च कर दरांपैकी एक आहे. ब्राझील आणि अमेरिकेने अद्याप अमेरिकेच्या अटी मान्य केलेल्या नसल्याने लुटनिक यांनी ही टिप्पणी केली आहे. अमेरिकेला स्वित्झर्लंड, ब्राझील, भारत यासारख्या अनेक देशांना दुरुस्त करणे आवश्यक आहे. या देशांनी हे समजून घ्यावे लागेल की जर तुम्हाला तुमची उत्पादने अमेरिकेतल्या ग्राहकांना विकायची असतील तर तुम्हाला अमेरिकेच्या अध्यक्षांसोबत खेळावे लागेल. त्यासाठी त्यांच्या बाजारपेठा उघडा, अमेरिकेला हानी पोहोचवणाऱ्या कृती करणे थांबवा आणि म्हणूनच आम्ही त्यांच्या बाजूने आहोत, असे लुटनिक यांनी एका मुलाखतीत सांगितले.
