Rajinikanth : प्रसिद्ध् अभिनेते रजनीकांत यांच्या आगामी कुली चित्रपटाचा ट्रेलर लॅान्च सोहळा मोठ्या दणक्यात पार पडला. हा ट्रेलर लॅान्च कार्यक्रम चेन्नईमध्ये पार पडला. या सोहळ्याला अनेकांनी हजेरी लावली होती. मोठं उत्साही वातावरण या सोहळ्यात पाहायला मिळालं. कुली चित्रपटाच्या ट्रेलर लॅान्च सोहळ्याला बॅालिवूड अभिनेता आमिर खान यानेही हजेही लावली होती. विशेष पाहुणा म्हणून तो उपस्थित होता. या सोहळ्यातील त्याच्या लूकने सर्वांचे लक्ष वेधून घेतले. या चित्रपटात त्याचा कॅमिओ रोल असणार आहे.

‘कुली’ चित्रपटाच्या स्टेजवर रजनीकांत यांना भेटताच आमिर खानने वाकून रजनीकांत यांच्या पायाला स्पर्श करत नमस्कार करण्याचा प्रयत्न केला. मात्र, रजनीकांतने ताबडतोब आमिरला थांबवत उभं केलं आणि प्रेमाने मिठी मारली. हा व्हिडीओ सोशल मीडियावर व्हायरल झाला आहे. आमिर आणि रजनीकांत यांच्यामध्ये परस्परांबद्दल किती प्रेम आणि आदर आहे, याचं दर्शन घडवणारा हा व्हिडीओ असल्याची चर्चा होत आहे.

कुली हा चित्रपट येत्या १४ अॅागस्ट २०२५ ला रिलीज होत आहे. याच दिवशी हृतिक रोशन आणि साऊथ अभिनेता जुनिअर एनटीआर यांचा वॅार २ चित्रपट रिलीज होणार आहे. या दोन्ही चित्रपटांची क्लॅश होणार असल्याने चाहते उत्सुक आहेत. कुली चित्रपटात रजनीकांत मुख्य भूमिकेत आहेत. ट्रेलर लॅान्च सोहळ्याला रजनीकांत यांनी त्यांच्या नेहमीच्या स्टाईलमध्ये एन्ट्री केली. त्यावेळी उपस्थितांनी टाळ्या अन् शिट्टांचा आवाज घुमला.