मुंबई – महाराष्ट्र विधानसभा निवडणुकीपूर्वी काँग्रेस पक्ष सत्ताधारी महायुतीला कोंडीत पकडण्याचा प्रयत्न करत आहे. याच पार्श्वभूमीवर काँग्रेसने राज्यातील गंभीर मुद्दा उपस्थित करत महायुती सरकारवर निशाणा साधला आहे. काँग्रेसने ‘लापता लेडीज’ मोहीम सुरू केली असून, त्यासाठी एक पोस्टर तयार करण्यात आले आहे.

पोस्टरमध्ये ‘लापता लेडीज’ म्हणजेच हरवलेल्या महिला आणि मुलींबाबत दावा करण्यात आला आहे. महाराष्ट्रातून दरवर्षी 64 हजार मुली बेपत्ता होत आहेत, ही चिंतेची बाब असल्याचे पोस्टरमध्ये लिहिले आहे. या पोस्टरमध्ये मुख्यमंत्री एकनाथ शिंदे, उपमुख्यमंत्री देवेंद्र फडणवीस आणि अजित पवार यांचे छायाचित्र देखील छापण्यात आले आहेत.

लापता लेडीज कॅम्पेनच्या माध्यमातून काँग्रेस महाराष्ट्र हे महिलांचा आदर करणारे राज्य असल्याचा दावा करत असले तरी हे राज्य भ्रष्टाचाराचे बळी ठरले आहे. ज्या राज्यात शिवाजी महाराजांनी स्वतः संघर्ष करून न्याय मिळवला, त्या राज्यात आता महिला बेपत्ता होत आहेत. याच राज्यात शाळेत जाणाऱ्या मुलींना अत्याचाराला सामोरे जावे लागत असल्याचा आरोप काँग्रेसने या माध्यमातून केला आहे.