Congress News : कॉंग्रेसने (Congress News) पंजाबच्या प्रदेशाध्यक्षपदी परगत सिंग यांची नियुक्ती केली. ते भारतीय हॉकी संघाचे माजी कर्णधार आहेत. त्यामुळे माजी क्रिकेटपटू नवज्योतसिंग सिद्धू यांच्यानंतर काही वर्षांनी कॉंग्रेसने पुन्हा क्रीडा मैदान गाजवणाऱ्या खेळाडूवर भिस्त ठेवली आहे.

पंजाबमध्ये पुढील वर्षीच्या पहिल्या तिमाहीत विधानसभा निवडणूक होईल. त्याआधी कॉंग्रेसच्या (Congress News) पंजाब शाखेतील गटबाजी उफाळून आली. एका गटाने अमरिंदर सिंग राजा वारिंग यांना प्रदेशाध्यक्ष म्हणून कायम ठेवण्याला तीव्र विरोध दर्शवला.

अखेर गटबाजी संपुष्टात आणण्याच्या उद्देशातून कॉंग्रेसने प्रदेशाध्यक्ष बदलण्याचा निर्णय घेतला. तो मान्य करत वारिंग यांनी शुक्रवारी राजीनामा दिला. त्यानंतर कॉंग्रेसने नवे प्रदेशाध्यक्ष म्हणून परगत यांच्या नावाची घोषणा केली.

हॉकीपटू म्हणून कारकीर्द गाजवणाऱ्या परगत यांनी काही वर्षांपूर्वी शिरोमणी अकाली दलाच्या माध्यमातून राजकीय मैदानात उडी घेतली. नंतर त्यांनी कॉंग्रेसमध्ये (Congress News) प्रवेश केला. आता पक्षाने त्यांच्यावर महत्वाची जबाबदारी सोपवली आहे.

प्रदेशाध्यक्ष पदावरून पायउतार झालेल्या वारिंग यांच्याकडे वर्ष २०२२ पासून सुत्रे होती. त्याआधी सिद्धू यांनी प्रदेशाध्यक्षपद भुषवले. त्यांच्यानंतर परगत यांच्या रूपाने कॉंग्रेसने पुन्हा एका क्रीडापटूवर विश्‍वास दर्शवला आहे.