Congress News : संसदेच्या आगामी तीन दिवसांच्या विशेष अधिवेशनाच्या पार्श्वभूमीवर काँग्रेसने (Congress News) आपल्या सर्व लोकसभा खासदारांना व्हीप जारी केला आहे.

१६, १७ आणि १८ एप्रिल २०२६ रोजी होणाऱ्या या अधिवेशनात केंद्र सरकार महिला आरक्षण कायद्यामध्ये (नारी शक्ती वंदन अधिनियम) महत्त्वाच्या सुधारणा (Congress News) मांडणार आहे.

काँग्रेसने (Congress News) जारी केलेल्या या त्रिसूत्री व्हीपमध्ये सर्व सदस्यांना गुरुवार ते शनिवार या काळात सकाळी ११ वाजल्यापासून सभागृहाचे कामकाज संपेपर्यंत उपस्थित राहण्याचे कठोर निर्देश दिले आहेत.

या सत्रात अत्यंत महत्त्वाच्या मुद्द्यांवर चर्चा आणि मतदान होणार असून, खासदारांनी सभागृहात उपस्थित राहून पक्षाच्या भूमिकेला पाठिंबा द्यावा, असे आदेशात नमूद करण्यात आले आहे.

या सूचनेला अत्यंत महत्त्वाचे मानण्याचे आवाहनही पक्षाने केले आहे. संसदेचे अर्थसंकल्पीय अधिवेशन वाढवून हे विशेष सत्र बोलावण्यात आले आहे. या सुधारणांद्वारे २०२९ च्या लोकसभा निवडणुकांपासून महिला आरक्षणाची प्रत्यक्ष अंमलबजावणी करण्याचा सरकारचा मानस आहे. या ऐतिहासिक बदलावर काँग्रेस आपली काय भूमिका घेते, याकडे आता सर्वांचे लक्ष लागले आहे.