Cockroach Janata Party : सोशल मीडियावर गेल्या काही दिवसांपासून ‘कॉकरोच जनता पार्टी’ (CJP) या नावाची जोरदार चर्चा सुरू आहे. सुरुवातीला अनेकांनी हा केवळ एक विनोदी किंवा क्षुल्लक ट्रेंड म्हणून कानडोळा केला असेल. मात्र, अवघ्या सहाच दिवसांत ‘कॉकरोच जनता पार्टी’च्या सोशल मीडियावरील पेजने 13 मिलियनहून अधिक फॉलोअर्स मिळवत इंटरनेटवर अक्षरशः धुमाकूळ घातला आहे. विशेष म्हणजे, या पेजने इन्स्टाग्रामवरील भारतीय जनता पार्टी (Bharatiya Janata Party) च्या 8.7 मिलियन फॉलोअर्सच्या आकड्यालाही मागे टाकलं आहे. या ‘व्यंग्यात्मक राजकीय चळवळी’ला तरुण मोठ्या प्रमाणात आकर्षिक झाल्याचे दिसत असून आता अनेक सेलिब्रिटींचाही मोठा पाठिंबा मिळताना दिसत आहे. कॉकरोच जनता पार्टीच्या सोशल मीडिया पेजला अनेक सेलिब्रिटींनी फॅालो करत पाठिंबा दर्शवला आहे. ‘कॉकरोच जनता पार्टी’ला फॉलो करणारे सेलिब्रिटी (Cockroach Janata Party) अनुराग कश्यप,दीया मिर्झा, विशाल ददलानी, फातिमा सना शेख, कोंकणा सेन शर्मा, ईशा गुप्ता, उमर रियाज, अभिषेक निगम, उर्फी जावेद, नगमा मिराजकर, पूरव झा, रौनक रजानी, शफाक नाज, शीजान खान या सेलिब्रेटींनी फॅालो केलं आहे. ‘कॉकरोच जनता पार्टी’ची सुरुवात कशी झाली? (Cockroach Janata Party) काही दिवसांपूर्वी एका खटल्याच्या सुनावणीदरम्यान सरन्यायाधीश सूर्यकांत यांनी बेरोजगार तरुणांची तुलना कथितरित्या ‘झुरळांशी’ केल्याचा दावा करण्यात आला. यानंतर सोशल मीडियावर मोठा उद्रेक पाहायला मिळाला. Cockroach Janata Party : ‘कॉकरोच जनता पार्टी’ची हवा! आता सेलिब्रिटींनाही पाडली भुरळ; कोण-कोण करतंय फॉलो? वाचा तरुणांनी सरन्यायाधीश सूर्यकांत यांनी केलेल्या वक्तव्याप्रकरणी तीव्र प्रतिक्रिया दिल्या. त्यानंतर या वक्तव्याच्या निषेधार्थ आणि व्यंगात्मक पद्धतीने ‘कॉकरोच जनता पार्टी’ची निर्मिती करण्यात आली. बघता बघता हा ट्रेंड Gen Z तरुणाईमध्ये प्रचंड लोकप्रिय झाला. हेही वाचा : Rupali Bhosle: राखाडी कॉटन साडीत रुपाली भोसलेचा सोज्वळ अंदाज; चाहत्यांकडून कौतुकाचा वर्षाव