Cockroach Janata Party:  मागच्या २ आठवड्यापासून देशभरात एकच खळबळ उडवून देणाऱ्या कॉकरोच जनता पार्टीविषयी अत्यंत मोठी बातमी समोर येत आहे. सोशल मीडियावर तयार झालेल्या या पक्षाला देशातील अनेक राजकीय पक्ष पाठिंबा देताना पाहायला  मिळत आहेत.  या पक्षाला सरकारविरोधातील असंतोष आणि तरुणांच्या उद्रेकाचे  प्रतीक मानले जात आहे.

दरम्यान या ‘कॉकरोच जनता पार्टीच्या उदयामुळे ही चळवळ राजकीय वर्तुळात चर्चेचा विषय बनली आहे. या ऑनलाइन पार्टीबाबत एका काँग्रेस नेत्यानं महत्त्वाची प्रतिक्रिया दिली आहे. कॉकरोज पार्टीनं काँग्रेससोबत यावं, असं भाष्य त्यांनी केलंय. त्यामुळे पुढील काळात काँग्रेस नव्या राजकीय पक्षासोबत युती करणार का ? यावरून चर्चांना उधाण आले आहे. Dainik Prabhat

राहुल गांधींचं नेतृत्व स्वीकारावं   (Cockroach Janata Party)

काँग्रेस नेते उदित राज यांनी या पक्षासोबत युतीविषयी भाष्य केले आहे. त्यासाठी त्यांनी एक निवेदनही सादर केले आहे. उदित राज यांनी आपल्या निवेदनात,”कॉकरोच जनता पार्टीसारख्या डिजिटल चळवळीला जर खऱ्या राजकीय शक्तीमध्ये रूपांतरित व्हायचे असेल, तर त्यासाठी प्रस्थापित नेतृत्वाची गरज लागेल.

त्यामुळे राहुल गांधींचे नेतृत्व या असंतोषाला आणि ऊर्जेला संविधान आणि लोकशाहीच्या संरक्षणासाठी एका मोठ्या चळवळीत रूपांतरित करू शकते. जर ही ऊर्जा विखुरली गेली, तर तिचा प्रभाव कमी होऊ शकतो,” असे म्हटले आहे. Dainik Prabhat

तृणमूल काँग्रेसनेही पाठिंबा दर्शवला   (Cockroach Janata Party)

दरम्यान, तृणमूल काँग्रेसनेही या ऑनलाइन पार्टीला पाठिंबा दर्शवला आहे. पक्षाचे राज्यसभा खासदार, डेरेक ओ’ब्रायन यांनी एका सोशल मीडिया पोस्टमध्ये सूचित केले की, त्यांचा पक्ष अशा डिजिटल आवाजांना गांभीर्याने घेतो आणि लोकशाही मुद्द्यांवर सक्रिय सहभागाला पाठिंबा देतो. राजकीय वर्तुळात या पाठिंब्यावर विविध अर्थ लावले जात आहेत.