पुणे – पुणे व पिंपरी चिंचवड, चाकण तळेगाव आणि हिंजवडी परिसरातील सीएनजीच्या दरामध्ये रविवारी मध्यरात्रीपासून चार रूपयांनी वाढ करण्याचा निर्णय महाराष्ट्र नॅचरल गॅस लिमिटेड (एमएनजीएल) ने घेतला आहे. सीएनजीचे दर वाढल्यामुळे वाहन चालकांना आर्थिक फटका बसणार आहे.

सीएनजी गॅसची मागणी वाढत आहे. पण, स्थानिक गॅसची कमतरता आणि आयात गॅस महाग झाल्यामुळे सीएनजीच्या दरात सतत वाढ होत आहे. एक एप्रिल पासून सीएनजीच्या दरात वाढच होत आहे. शहरात पूर्वीच सीएनजी ९१ रूपयांवर गेला होता.

पण, काही दिवसांपूर्वी एमएनजीएलने सीएनजीच्या दरात चार रूपयांनी कपात करण्याचा निर्णय घेतला आहे. त्यामुळे वाहन चालकांना आता एका किलोसाठी ८७ रूपये द्यावे लागत होते. आता पुन्हा सीएनजीच्या दरामध्ये चार रुपयांची वाढ करण्याचा निर्णय घेतला आहे. रविवारी मध्यरात्रीपासून एक किलो सीएनजीसाठी ९१ रुपये मोजावे लागणार आहेत.

…अशी झाली दर वाढ
जानेवारी पासून आजपर्यंतचा सीएनजी दर वाढ (दर प्रती किलो)
जानेवारी – ६६
फेब्रुवारी – ६८
मार्च – ७३
एप्रिल – ७७.२०
मे – ८०
जून – ८२
जुलै – ८५
ऑगस्ट – ८७
सप्टेंबर – ९१