CM Vijay : अंमलबजावणी संचालनालयाने द्रमुकने पक्षाच्या निधीच्या नावाखाली कथितरीत्या पैसे गोळा केल्याप्रकरणी माजी मुख्यमंत्री एम. के. स्टॅलिन, विरोधी पक्षनेते उदयनिधी स्टॅलिन आणि मंत्री सेंथिल बालाजी यांची नावे घेतली आहेत. यासंदर्भातला गंभीर आरोप राज्याचे मुख्यमंत्री सी. जोसेफ विजय (CM Vijay) यांनी केला आहे.

विधानसभेत बोलताना विजय (CM Vijay) म्हणाले की, सरकारिया आयोगाच्या अहवालात माजी मुख्यमंत्री एम. करुणानिधी यांच्यावर अधिकृत पदाचा गैरवापर केल्याचा ठपका ठेवण्यात आला होता.

द्रमुकच्या मागील कार्यकाळात तीन विभागांमध्ये भ्रष्टाचार झाला होता, त्या विभागांशी संबंधित फाइल्स उघडण्याचे आव्हान द्रमुकने दिले होते. त्या फाइल्स उघडण्यापूर्वी, मला १९८८ मधील द्रमुक सरकारच्या भ्रष्टाचाराबाबतचा सरकारिया आयोगाचा अहवाल वाचायचा आहे.

यावेळी विजय (CM Vijay)म्हणाले की, करुणानिधी यांनी अधिकृत पदाचा गैरवापर केल्याबाबत आयोगाच्या निष्कर्षांचा संदर्भ दिला. अभिनेत्री त्रिशा यांच्याबद्दल उदयनिधी स्टॅलिन यांनी केलेल्या कथित टिप्पणीवरून निर्माण झालेल्या वादाच्या पार्श्वभूमीवर विजय यांनी आक्षेप नोंदवला.

लोकांनी महिलांविरुद्ध बदनामीकारक विधाने करु नयेत. माझ्या राजकीय विजयामागे महिलांचा मोठा वाटा आहे. म्हणून त्यांच्याबद्दल वापरली जाणारी अपमानास्पद भाषा मी खपवून घेणार नाही. राजकीय पातळीवर कठोर टीका होऊ शकते, परंतु महिलांबद्दल बदनामीकारक टिप्पणी केली जाऊ नये. अशा प्रकारे बोलण्यापूर्वी प्रत्येकाने आपल्या स्वतःच्या घरातील महिलांचा विचार केला पाहिजे.
– सी. जोसेफ विजय, तामिळनाडुचे मुख्यमंत्री