ओट्टावा – हरदीपसिंग निज्जर याच्या हत्येवरून भारत आणि कॅनडा यांच्यात निर्माण झालेल्या तणावाच्या पार्श्वभूमीवर कॅनडाचे पंतप्रधान जस्टीन ट्रुडो यांच्या पूर्वीचा मित्रपक्ष असलेल्या न्यू डेमोक्रॅटिक पार्टीचे (एनडीपी) नेते जगमीत सिंग यांनी सोमवारी दावा केला की कॅनडाच्या शिखांमध्ये भीतीचे वातावरण आहे आणि कॅनडा सरकारने भारताच्या विरोधात कारवाई करावी, विशेषत: भारतावर राजकीय निर्बंध लादावेत अशी मागणी त्यांनी केली आहे.

आम्ही भारताच्या मुत्सद्दींना देशाबाहेर काढण्याच्या आजच्या निर्णयाचे समर्थन करतो आणि आम्ही कॅनडा सरकारला पुन्हा एकदा भारताविरुद्ध राजनैतिक निर्बंध लादण्याची, राष्ट्रीय स्वयंसेवक संघाच्या नेटवर्कवर (आरएसएस) कॅनडात बंदी घालण्याची विनंती करतो आणि कॅनडाच्या भूमीवर संघटित गुन्हेगारी कृतीत भाग घेणाऱ्या कोणालाही कठोर शिक्षा केली जावी अशी मागणी करतो असे जगमित सिंग यांनी म्हटले आहे.

जगमीत सिंग यांनी असेही सांगितले की त्यांचा पक्ष रॉयल कॅनेडियन माउंटेड पोलिसद्वारे जारी केलेल्या माहितीबद्दल अत्यंत चिंतित आहे, ज्यामध्ये म्हटले आहे की भारत सरकार गँगस्टर लॉरेन्स बिश्नोईच्या सहकार्याने कॅनडाच्या भूमीवर दहशतवाद पसरवत आहे.

ते म्हणाले की, कॅनडातील लोक विशेषतः कॅनडातील शीख समुदाय भीती, धमक्या, छळ आणि हिंसाचाराने वेढलेले आहेत. यामध्ये प्रामुख्याने खंडणी, हिंसाचार आणि निवडणूक हस्तक्षेप यांचा समावेश आहे. जगमीत सिंग यांनी पुढे आरोप केला की, कॅनडाकडे भारतीय अधिकाऱ्यांचा हरदीप सिंग निज्जर यांच्या हत्येशी संबंध असल्याचे विश्वसनीय पुरावे आहेत.

कॅनडाच्या भूमीवर कॅनडाच्या हरदीपसिंग निज्जरच्या हत्येत नरेंद्र मोदी सरकारचा सहभाग होता आणि युनायटेड स्टेट्सने संबंधित गुन्ह्यांसाठी आधीच अनेक व्यक्तींना दोषी ठरवले आहे – तरीही NDP भारताच्या संभाव्य विध्वंसक कारवायांना परकीय हस्तक्षेपाचा धोका मानते हे तपासाच्या कक्षेत समाविष्ट करण्यासाठी धडपड करावी लागली.