CJP protest: पंतप्रधान नरेंद्र मोदी यांनी दिल्लीतील जंतर मंतर येथील विद्यार्थी आंदोलनादरम्यान एक व्हिडिओ शेअर केला. याचे वैशिष्ट्य म्हणजे पंतप्रधान मोदींनी हा व्हिडिओ सेल्फी मोडमध्ये रेकॉर्डकरून तरुणांना संबोधित केले होते.

मेटा या कंपनीच्या सोशल मीडिया प्लॅटफॉर्मने भारतातील पंतप्रधान मोदींचा हा पहिला व्हिडिओ प्रतिबंधित केला होता, परंतु  समोर आलेल्या माहितीनंतर एकच गोंधळ उडाला त्यानंतर फेसबुककडून स्पष्टीकरण देण्यात आले आहे.

फेसबुकने काल रात्री उशिरा भारतातील सीजेपीच्या आंदोलनादरम्यान पंतप्रधान मोदींनी अपलोड केलेला पहिला व्हिडिओ प्रतिबंधित केला. पहाटे १:२५ वाजता  See Why या पर्यायावर क्लिक केल्यावर, ‘कायदेशीर विनंतीनुसार व्हिडिओ प्रतिबंधित करण्यात आला आहे’ असे लिहिलेले दिसले.

एका वृत्तवाहिनीला दिलेल्या उत्तरात, मेटाने सांगितले की पंतप्रधानांचा व्हिडिओ चुकून काढण्यात आला होता आणि आता तो दुरुस्त करण्यात आला आहे. वाढता गदारोळ पाहून मेटाने आपला निर्णय मागे घेतला.

धर्मेंद्र प्रधान यांच्या राजीनाम्यावरून गदारोळ CJP protest: 

‘कॉकरोच जनता पार्टी’च्या समर्थकांनी अनेक दिवस जंतर मंतरवर आंदोलन केले. सीजेपीने २० जुलै रोजी संसद मोर्चाचे आयोजन केले होते. यावेळी जमाव संसदेच्या दिशेने जात होता, पण पोलिसांनी लाठीचार्ज करून त्यांना रोखले.

माजी केंद्रीय शिक्षण मंत्री धर्मेंद्र प्रधान यांच्या राजीनाम्यावरून निर्माण झालेला वाद पाहून पंतप्रधान मोदींनी ‘जनरेशन-जी’साठी एक व्हिडिओ शेअर केला. पंतप्रधान मोदींनी सांगितले की, त्यांनी पेपरफुटीचे प्रकरण गांभीर्याने घेतले असून कारवाई केली आहे.

 मोदींची आणखी एका व्हिडिओद्वारे महत्त्वाची घोषणा  CJP protest: 

पंतप्रधान मोदींनी परीक्षांमध्ये सुधारणा करण्यासाठी इन्फोसिसचे सह-संस्था पक नंदन नीलेकणी यांच्या नेतृत्वाखाली एका उच्चाधिकार कार्यदलाच्या स्थापनेची घोषणा केली. आणखी एका व्हिडिओमध्ये त्यांनी सांगितले की, सरकार कार्यदलाच्या शिफारशींची अंमलबजावणी करेल, एक विश्वासार्ह परीक्षा प्रणाली सुनिश्चित करेल आणि तंत्रज्ञानाचा अधिक वापर करून पारदर्शकता आणेल.