सातारा – महाविकास आघाडी व मित्रपक्षाचे उमेदवार अमित कदम यांच्या सातारा शहराच्या पश्चिम भागातील शिवसंवाद यात्रेला जोरदार प्रतिसाद मिळाला. गुरुवारी प्रचाराच्या निमित्ताने त्यांनी काढलेल्या गडकर आळी, सर्वोदय कॉलनी, धुमाळ आळी, पेढ्याचा भैरोबा, समाधीचा माळ, सह्याद्री पार्क या परिसरात पदयात्रा काढत नागरिकांशी संवाद साधला.

शिवसेना ग्राहक संरक्षण कक्ष उपजिल्हाप्रमुख प्रणव सावंत, शहराध्यक्ष बाळासाहेब शिंदे, रविंद्र भंणगे, रजनीताई पवार, बाळासाहेब बाबर, सागर धोत्रे, शिवेंद्र ताटे, गणेश हिवाळे, इम्रान बागवान, सुमित नाईक, दत्तात्रय साळुंखे, प्रकाश जाधव ,प्रशांत इंगळे, पांडुरंग कदम, प्रकाश पवार, तसेच नागरिक उपस्थित होते.

सकाळी साडेसात ते साडेबारा या पाच तासांमध्ये झालेल्या शिव संवाद यात्रेमध्ये नागरिकांनी या पदयात्रेला चांगलाच प्रतिसाद दिला. बहुतांश ठिकाणी अमित कदम यांचे सुवासिनींनी औक्षण करून स्वागत केले.

अमितदादा कदम यांनी ज्येष्ठ नागरिकांशी आपुलकीने संवाद साधत त्यांच्या समस्या जाणून घेतल्या. शिवसैनिकांनी या पदयात्रेचे नेटके आयोजन केले होते. प्रणव सावंत यांच्या सहकार्याने तब्बल बारा कॉलनीमध्ये अमित कदम यांनी नागरिकांशी संवाद साधत त्यांना मशाल चिन्हाची आठवण करून दिली. या शिवसंवाद यात्रेला नागरिकांनी प्रतिसाद देत त्यांच्या पाठीमागे ठामपणे उभे राहण्याचे आश्वासन दिले .त्यानंतर अमित कदम जावळी तालुक्यातील मेढा येथे होणाऱ्या जाहीर सभेसाठी रवाना झाले .