#Video : चिपळूणमधील तिवरे धरण फुटले; 16 जण बेपत्ता; सहा मृतदेह सापडले
रत्नागिरी : चार दिवस झालेल्या मुसळधार पावसामुळे चिपळूण तालुक्यातील तिवरे धरण फुटले आहे. या घटनेमुळे गावात पूरसदृश परिस्थिती निर्माण झाली आहे. मंगळवारी रात्री ८ ते ९च्या सुमारास ही घटना घडली असून यात 16 जण वाहून गेल्याची भीती व्यक्त केली जात आहे. तर सहा मृतदेह सापडले आहेत. घटनेची माहिती मिळताच पोलिस आणि जिल्हा प्रशासन घटनास्थळी दाखल झाले असून बचावकार्य हाती घेण्यात आले आहे.
Maharashtra: Bodies of 2 persons have been recovered by civil administration after Tiware dam in Ratnagiri was breached. About 22-24 people are missing. 12 houses near the dam have been washed away. Civil administration, police and volunteers are present at the spot.
— ANI (@ANI) July 3, 2019
कोकण आणि पश्चिम महाराष्ट्रात गेले चार दिवस मुसळधार पाऊस पडत आहे. त्यामुळे मंगळवारी रात्री ९ वाजण्याच्या सुमारास तिवरे धरण भरून वाहू लागले. धरणात मोठा पाणीसाठा झाल्याने त्यात अजून पावसाची भर पडली तर धरण फुटण्याची भीती व्यक्त केली जात होती. हे पाणी ओव्हरफ्लो झाल्याने जवळच असलेला दादर पूल पूर्णपणे पाण्याखाली गेला आहे. त्यामुळे चिपळूणाचा आकले, रिक्टोली, कळकवणे, ओवळी या गावांशी असलेला संपर्क पूर्ण तुटला आहे. परिसरातील अन्य गावांना अति दक्षतेचा इशारा देण्यात आला आहे.
