Devendra Fadnavis : मुख्यमंत्री देवेंद्र फडणवीस यांनी आज नागपूरमध्ये रेशीमबाग येथील राष्ट्रीय स्वयंसेवक संघाच्या मुख्यालयात येऊन सरसंघचालक मोहन भागवत यांची भेट घेतली. दोघांमध्ये अर्धा तास चर्चा झाली. मात्र या चर्चेचा विषय नेमका काय होता हे अद्याप समोर आलेले नाही. मात्र ही औपचारिक भेट असल्याचं बोललं जात आहे.

मात्र सध्या राज्यातील दुष्काळाची स्थिती, निवडणूक आयोगातील मतभेद, मुख्य निवडणूक आयुक्त ज्ञानेश कुमार यांच्या राजीनाम्याची मागणी, सरकारविरोधात कॉकरोच जनता पार्टी आणि काँग्रेसने घेतलेली भूमिका या विषयासह इतर मुद्द्यांवर मुख्यमंत्री फडणवीस यांनी मोहन भागवत यांच्यासोबत चर्चा केल्याची शक्यता आहे.

दरम्यान, सध्या देशातील राजकीय वातावरण तापले आहे. काँग्रेस, सीजेपी आणि डावे पक्ष रस्त्यावर उतरले असून मोदी सरकारची कोंडी करण्याचे त्यांचे प्रयत्न सुरु आहेत. महाराष्ट्रातही भीषण दुष्काळाचं सावट पसरलं आहे. शेतकऱ्यांची उभी पिकं नष्ट झाली असून, पाणी आणि जनावरांना चाराही नाही अशी स्थिती आहे. या परिस्थिती राज्य सरकारकडून 5 हजार रुपयांची मदत शेतकऱ्यांना दिवाळीपूर्वी दिली जाण्याची घोषणा करण्यात आली आहे.  मात्र या अत्यल्प मदतीवरूनही सरकारकडून टीका केली जात आहे.

राष्ट्रीय स्वयंसेवक संघाचा पवित्र विजयादशमी उत्सव यंदा 20 ऑक्टोबर रोजी नागपूरच्या रेशीमबाग येथे आयोजित करण्यात आला आहे. यंदाच्या कार्यक्रमाला दैनिक जागरणचे मुख्य संपादक संजय गुप्ता प्रमुख पाहुणे म्हणून उपस्थित राहणार आहेत.

हेही वाचा: 

PM Modi : ग्वाल्हेर दुर्घटनेने हळहळले मोदी ; मृतांच्या कुटुंबीयांसाठी नुकसानभरपाई जाहीर