Chief Justice B.R. Gavai। भारताचे सरन्यायाधीश (CJI) बी.आर. गवई यांनी संविधान आणि संसदेच्या सर्वोच्चतेवर स्पष्ट भाष्य केले आहे. त्यांनी, भारतात संसद नाही तर संविधान सर्वोच्च आहे” असे म्हटले आहे. सरन्यायाधीश गवई यांनी त्यांचे मूळ गाव असलेल्या अमरावती याठिकाणी बार असोसिएशनने आयोजित केलेल्या पुरस्कार समारंभात ही टिप्पणी केली.

एका वृत्तसंस्थेनुसार, आपल्या भाषणात, सरन्यायाधीश गवई यांनी,”लोकशाहीचा कोणता भाग सर्वोच्च आहे यावर नेहमीच चर्चा होते – कार्यकारी, कायदेमंडळ किंवा न्यायपालिका. जरी बरेच लोक म्हणतात आणि मानतात की संसद सर्वोच्च आहे, परंतु माझ्या मते भारताचे संविधान सर्वोच्च आहे. लोकशाहीचे तिन्ही अंग संविधानाच्या अंतर्गत काम करतात.केवळ सरकारविरुद्ध आदेश देऊन न्यायाधीश स्वतंत्र होत नाही” असेही त्यांनी स्पष्टपणे सांगितले.

सरन्यायाधीश पुढे बोलताना, न्यायाधीशांनी नेहमीच हे लक्षात ठेवले पाहिजे की आपण नागरिकांच्या हक्कांचे, संवैधानिक मूल्यांचे आणि तत्त्वांचे रक्षक आहोत. आपल्याकडे केवळ शक्ती नाही तर आपल्या काही जबाबदाऱ्या देखील आहेत” असे म्हणाले.

‘लोक काय म्हणतील’ ही विचारसरणी बदलली पाहिजे Chief Justice B.R. Gavai। 

सरन्यायाधीशांनी सांगितले की, “न्यायाधीशांनी त्यांच्या निर्णयाबद्दल लोक काय म्हणतील किंवा काय वाटेल यावर अवलंबून राहू नये. उलट आपण स्वतंत्रपणे विचार केला पाहिजे. लोक काय म्हणतील ते आपल्या निर्णय प्रक्रियेचा भाग बनू शकत नाही. सरन्यायाधीशांनी भर दिला की त्यांनी नेहमीच त्यांचे निर्णय आणि काम बोलू दिले आणि नेहमीच संविधानात समाविष्ट असलेल्या मूलभूत अधिकारांचे समर्थन केले.”

राज्यघटनेची मूलभूत रचना बदलता येत नाही

गवई यांनी त्यांचे विधान अधिक स्पष्ट करत ,”संसदेला संविधानात सुधारणा करण्याचा अधिकार आहे, परंतु ते संविधानाची मूलभूत रचना बदलू शकत नाही.”असे म्हटले.

मी मूलभूत अधिकारांचा रक्षक  Chief Justice B.R. Gavai। 

सरन्यायाधीश गवई यांनी ‘बुलडोझर जस्टिस’वरील त्यांच्या निर्णयाची आठवण करून देताना म्हटले की, घराचा अधिकार सर्वोच्च आहे. मी नेहमीच मूलभूत अधिकार आणि संविधानाच्या बाजूने उभा राहिलो आहे.

वकील बनण्याची कहाणी

सरन्यायाधीश भावनिक झाले आणि त्यांच्या बालपणीच्या आठवणी शेअर केल्या. तो म्हणाला की मला आर्किटेक्ट व्हायचे होते, पण माझ्या वडिलांना मी वकील व्हायचे होते कारण ते स्वतः स्वातंत्र्य चळवळीत भाग घेतल्यामुळे वकील होऊ शकले नाहीत.