प्रभात वृत्तसेवा
पुणे – सर्वोच्च न्यायालयाचे सरन्यायाधीश भूषण गवई यांच्या अपमानप्रकरणी राकेश तिवारी यांच्या निषेधार्थ दांडेकर पूल येथे भारतरत्न डाॅ. बाबासाहेब आंबेडकर चौक येथे आंबेडकर अनुयायांनी रास्ता रोको आणि ‘जोडे मारो’ आंदोलन केले. ही घटना म्हणजे एक प्रकारे संविधानावर हल्ला असल्याचे सांगत या प्रकरणी निषेध करण्यात आला.या वेळी आंदोलनकर्त्यांनी तिवारीवर अनुसूचित जाती अत्याचार प्रतिबंधक कायदा आणि भारतीय न्याय संहिता (बीएनएस) अंतर्गत गुन्हा दाखल करावा, तसेच त्याची वकील सनद कायमस्वरूपी रद्द करावी, अशी मागणी केली.

या वेळी कौटुंबिक न्यायालय वकील संघटनेच्या माजी अध्यक्षा ॲड. वैशाली चांदणे, तानाजी ताकपेरे, गणेश गाडे, राहुल गायकवाड, मुकुंद गायकवाड, मच्छिंद्र गायकवाड, बाबा गायकवाड, हनुमंत फडके, अमर बनसोडे, मीना बनसोडे, नंदा वाघमारे, शैलेश चव्हाण, बसवराज कांबळे, यल्लाप्पा मस्के, नागेश भोसले, ॲड. किरण गायकवाड, शिवाजी वाघमारे, रामदासजी चौरे, सुरेखा गायकवाड आणि बहुसंख्य आंबेडकरी अनुयायी उपस्थित होते.