Gyanesh Kumar : मुख्य निवडणूक आयुक्त ज्ञानेश कुमार यांना मोठा धक्का; ‘या’ जुन्या प्रकरणाची चौकशी होणार; गृहमंत्र्यांचे आदेश
Gyanesh Kumar : भारताचे मुख्य निवडणूक आयुक्त ज्ञानेश कुमार यांच्या केरळमधील कार्यकाळाशी संबंधित सुमारे २० वर्षे जुन्या प्रकरणाची पुन्हा चौकशी करण्याचे आदेश केरळ सरकारने दिले आहेत.
Gyanesh Kumar : भारताचे मुख्य निवडणूक आयुक्त ज्ञानेश कुमार यांच्या केरळमधील कार्यकाळाशी संबंधित सुमारे २० वर्षे जुन्या प्रकरणाची पुन्हा चौकशी करण्याचे आदेश केरळ सरकारने दिले आहेत. केरळचे गृहमंत्री रमेश चेन्निथला यांनी लाचलुचपत प्रतिबंधक विभागाच्या (VACB) चौकशीचे निर्देश दिले आहेत. हे प्रकरण २००६मध्ये ज्ञानेश कुमार केरळच्या सार्वजनिक बांधकाम विभागाचे (PWD) सचिव असताना घडलेल्या घटनांशी संबंधित आहे. (Gyanesh Kumar)
हे प्रकरण केरळ स्टेट ट्रान्सपोर्ट प्रोजेक्ट (KSTP) अंतर्गत एमसी रोडच्या विकासकामाशी संबंधित आहे. या प्रकल्पाच्या कामाशी संबंधित PATI-BEL कन्सोर्टियमचे मलेशियन सिव्हिल इंजिनिअर ली सी बीन यांनी २००६मध्ये आत्महत्या केली होती. त्यांच्या कथित सुसाइड नोटमध्ये तत्कालीन PWD सचिव म्हणून ज्ञानेश कुमार यांच्या नावाचा उल्लेख असल्याचे विविध वृत्तांमध्ये नमूद करण्यात आले आहे. (Gyanesh Kumar)
जुन्या तपासाचीही होणार पडताळणी
या प्रकरणात २००६मध्ये प्राथमिक चौकशी सुरू झाली होती. मात्र, ती पूर्णत्वास गेली नसल्याचे वृत्त आहे. जुन्या तपासावर बाह्य दबावाचा प्रभाव पडल्याची तक्रार केरळ सरकारकडे करण्यात आली आहे. त्यामुळे तत्कालीन चौकशीची दिशा, त्यात कोणता हस्तक्षेप झाला का आणि तपास का थांबला, याचीही पडताळणी आता केली जाणार आहे. (Gyanesh Kumar)
chief election commissioner gyanesh kumar
गृहमंत्री रमेश चेन्निथला यांनी VACB संचालक मनोज अब्राहम यांना या प्रकरणाची सविस्तर चौकशी करून आरोपांमध्ये तथ्य आढळल्यास कायदेशीर कारवाई करण्याचे निर्देश दिल्याचे वृत्त आहे. चौकशीदरम्यान भ्रष्टाचाराच्या आरोपांसोबतच संबंधित रस्ता प्रकल्पातील प्रशासकीय अनियमिततांचीही तपासणी केली जाणार आहे. (Gyanesh Kumar)
ज्ञानेश कुमार सध्या मुख्य निवडणूक आयुक्त
२००६मधील या घटनांच्या वेळी ज्ञानेश कुमार केरळ PWDचे सचिव होते. ते सध्या भारताचे मुख्य निवडणूक आयुक्त आहेत. त्यामुळे त्यांच्या तत्कालीन प्रशासकीय कार्यकाळाशी संबंधित या प्रकरणाची नव्याने चौकशी सुरू झाल्याने त्याकडे राजकीय आणि प्रशासकीय वर्तुळाचे लक्ष लागले आहे. मात्र, सध्याची चौकशी आरोपांची सत्यता आणि तत्कालीन तपासातील बाबी तपासण्यासाठी आहे; चौकशी पूर्ण होण्यापूर्वी कोणताही निष्कर्ष काढता येणार नाही. (Gyanesh Kumar)
