भीषण अपघात ! 50 फूट खोल दरीत बस कोसळून अपघात ; 12 मजुरांचा जागीच मृत्यू, 16 जण गंभीर जखमी
Chhattisgarh Accident । छत्तीसगडमध्ये बस 50 फूट दरीत कोसळून मोठी दुर्घटना घडल्याची बातमी समोर येतीय. या बस अपघातात तब्बल 12 मजुरांचा मृत्यू झालाय. छत्तीसगडच्या दुर्गमध्ये हा भीषण बस अपघात झाला आहे. बसचालकाचं नियंत्रण सुटल्याने बस दरीत 50 फूट दरीत कोसळून हा अपघात झाल्याची प्राथमिक माहिती समोर येत आहे. या प्रकरणी राज्य सरकारकडून चौकशीचे आदेश देण्यात आलेत.
बस 50 फूट खोल दरीत कोसळली Chhattisgarh Accident ।
छत्तीसगडच्या रायपूर-दुर्ग रोडवर मोठी दुर्घटना झाल्याची माहिती आहे. मंगळवारी रात्री कर्मचाऱ्यांनी भरलेली बस 50 फूट खोल दरीत कोसळून भीषण अपघात घडला. या अपघातात 12 जणांचा मृत्यू झाल्याची माहिती प्रशासनाकडून देण्यात आली आहे. या अपघातामध्ये 16 जण जखमी झाले आहेत. त्यांच्यावर रुग्णालयात उपचार सुरु आहेत. त्यापैकी 10 जणांची प्रकृती गंभीर असल्याचे सांगण्यात येतंय.
#WATCH | Raipur: Chhattisgarh Deputy CM Vijay Sharma reaches AIIMS to meet the victims of the Durg bus accident. pic.twitter.com/kGimNRghYN
— ANI (@ANI) April 9, 2024
अपघातात 12 मजुरांचा मृत्यू
दुर्ग जिल्ह्यातील केडिया डिस्टिलरीच्या सुमारे 40 कर्मचाऱ्यांना घेऊन कुम्हारीहून भिलाईला परतणाऱ्या बसला अपघात झाला. या बस अपघातात 12 जणांचा मृत्यू झाला आहे. काही जणांना प्राथमिक उपचारासाठी धमधा आरोग्य केंद्रात पाठवण्यात आलं आहे. अपघातग्रस्त बसमध्ये सुमारे 40 कर्मचारी प्रवास करत होते. या भीषण बस अपघातात 16 जण जखमी झाले असून काही गंभीर जखमींना रायपूरला पाठवण्यात आलं आहे.
जखमींना रुग्णालयात उपचार सुरू
छत्तीसगड दुर्ग बस अपघाताबाबत डीएम ऋचा प्रकाश चौधरी यांनी दिलेल्या माहितीनुसार, अपघातात12 जणांचा मृत्यू झाल्याची पुष्टी झालीय. जखमींना रुग्णालयात दाखल करण्यात आलं असून त्यांच्यावर उपचार सुरू आहेत. रूग्णालयात दाखल झालेल्या सर्वांची प्रकृती स्थिर आहे.
पंतप्रधान मोदींकडून शोक व्यक्त Chhattisgarh Accident ।
पंतप्रधान नरेंद्र मोदी यांनी ट्वीट करत या दुर्घटनेवर शोक व्यक्त केलं आहे. पंतप्रधान मोदींनी एक्स मीडियावर ट्वीट करत लिहिलं आहे की, छत्तीसगडच्या दुर्गमधील बस दुर्घटना अत्यंत दुःखद आहे. यामध्ये ज्यांनी आपल्या प्रियजनांना गमावले त्यांच्याबद्दल माझ्या संवेदना. जखमींची प्रकृती लवकरात लवकर बरी होवो अशी, मी सदिच्छा व्यक्त करतो. राज्य सरकारच्या देखरेखीखाली स्थानिक प्रशासन दुर्घटनेतील पीडितांना सर्वतोपरी मदत करत आहे.
