Bank Holidays: बँकेशी संबंधित काम करण्यापूर्वी सुट्ट्यांची यादी तपासा; ४ दिवस राहणार बँका बंद
Bank Holidays: येत्या आटवड्यातील तारीख आणि तुमच्या शहरातील बँकेची सुट्टी तपासून घ्या
Updated On:

Bank Holidays: जर तुम्हाला बँकेशी संबंधित कोणतेही महत्त्वाचे काम पूर्ण करायचे असेल, तर या आठवड्यातील सुट्ट्यांची यादी पाहून घ्या. २३ ते २९ नोव्हेंबर २०२६ दरम्यान विविध राज्यांमध्ये सण-उत्सव आणि साप्ताहिक सुट्ट्यांमुळे बँका बंद राहणार आहेत.
या काळात २३ नोव्हेंबर रोजी मेघालयमध्ये, २४ नोव्हेंबर रोजी अनेक राज्यांमध्ये आणि २७ नोव्हेंबर रोजी कर्नाटकात बँक शाखांना कुलूप राहणार आहे. अशा परिस्थितीत तुम्हाला चेक जमा करायचा असेल, पैसे काढायचे असतील किंवा बँकेत जाऊन कोणतेही महत्त्वाचे काम करायचे असेल, तर तारीख आणि तुमच्या शहरातील सुट्टी आधी तपासून घ्या.
- सोमवार, २३ नोव्हेंबर रोजी मेघालयमध्ये ‘सेंग कुट स्नेम’ निमित्त बँका बंद राहतील. हा मेघालयातील एक स्थानिक सण आहे. त्यामुळे शिलाँगसह राज्यातील संबंधित बँकिंग भागांत शाखांचे कामकाज होणार नाही.
- मंगळवार, २४ नोव्हेंबर रोजी गुरु नानक जयंती, कार्तिक पौर्णिमा आणि रहस पौर्णिमा निमित्त अनेक राज्यांत बँका बंद राहतील. आरबीआयच्यासुट्ट्यांच्या कॅलेंडरनुसार, या दिवशी मुंबई, भोपाळ, भुवनेश्वर, चंदीगड, हैदराबाद, जयपूर, जम्मू, कोहिमा, कोलकाता, लखनौ, नागपूर, नवी दिल्ली, रायपूर, रांची, शिमला आणि श्रीनगर यांसारख्या शहरांत बँक शाखा बंद राहतील.
- शुक्रवारी २७ नोव्हेंबर रोजी कनकदास जयंतीनिमित्त कर्नाटक राज्यात बँकांना सुट्टी असणार आहे. त्यामुळे बंगळुरूसह राज्यातील संबंधित भागांमधील बँकांच्या शाखा बंद राहतील. मात्र, इतर राज्यांमध्ये बँका नेहमीप्रमाणे सुरू असतील.
- शनिवार, 28 नोव्हेंबर हा महिन्यातील चौथा शनिवार असल्याने देशभरातील बँका बंद राहतील.
- 29 नोव्हेंबर रोजी रविवार असल्यामुळे पुन्हा एकदा बँकांना साप्ताहिक सुट्टी असेल.
टॅग्स:





