मुंबई : एअर इंडियाच्या प्रवाशांसाठी एक आनंदाची बातमी समोर आली आहे. एअर इंडियाने आता रिअल टाइम बॅगेज ट्रॅकिंग सेवा सुरू केली आहे. या माध्यमातून प्रवाशांना आपल्या बॅगा अपद्वारे थेट ट्रॅक करता येणार आहेत. एअर इंडियाचे प्रवासी आता त्यांच्या बॅगेला जोडलेला टॅग स्कॅन करून त्यांच्या चेक-इन बॅग ट्रेस करू शकतात. एअर इंडिया एअरलाइन्सने आता मोबाईल अपमध्ये हे एआय-आधारित फिचर आणलं आहे.

दरम्यान, अलीकडच्या काळात प्रवाशांच्या सामानाबाबत अनेक तक्रारींचा सामना करावा लागत असल्याचे समोर आले होते. तसेच फ्लाइटने प्रवास करताना अनेकांना आपले सामान हरवण्याची भीती वाटत होती. मात्र, आता एअर इंडियाने आणलेल्या या नव्या फिचरच्या मदतीने प्रवाशांना त्यांच्या बॅगासंदर्भातील माहिती मिळणार आहे. मग त्यामध्ये बॅग उतरवली जात आहे की नाही. बॅग पिकअपसाठी तयार आहे की नाही? यासंदर्भातील माहिती मिळू शकणार आहे.

प्रवाशांना आपल्या तिकिटावरील कोड स्कॅन करून फ्लाइट तपशील, बोर्डिंग पास, बोर्डिंग पास किंवा बॅगेच्या टॅगबाबतची माहिती देखील मिळू शकणार आहे. इतकंच काय तर त्या फिचरच्या मदतीने खाद्यपदार्थाचा पर्यायही निवडता येणार आहे. प्रवाशांना आता त्यांच्या आवडीचे खाद्यपदार्थ निवडता येणार आहेत. हे वैशिष्ट्य आर्टिफिशियल इंटेलिजन्स किंवा एआय-आधारित संगणक दृष्टी तंत्रज्ञानावर आधारित आहेत. एअर इंडिया येत्या काही महिन्यांत बॅग डायमेंशन चेक, पासपोर्ट स्कॅन यांसारखी आणखी वैशिष्ट्ये आपल्या मोबाइल अपमध्ये जोडण्याची योजना आखत आहे.

आधूनिक तंत्रज्ञानाचा प्रवाशांना लाभ
याबाबत एअर इंडियाचे मुख्य डिजिटल आणि तंत्रज्ञान अधिकारी सत्य रामास्वामी यांनी सांगितलं की, आधुनिक संगणक दृष्टी तंत्रज्ञानाच्या एकत्रीकरणामध्ये मॅन्युअल डेटा एंट्रीची आवश्यकता कमी करून वापरकर्त्याच्या अनुभवामध्ये लक्षणीय वाढ करण्याची क्षमता आहे. ही सुविधा ग्राहक सेवा सुधारण्यासाठी आणि प्रवास प्रक्रिया सुव्यवस्थित करण्यासाठी तंत्रज्ञानाचा लाभ घेण्याच्या एअर इंडियाच्या वचनबद्धतेचा पुरावा आहे.

एइवायइ व्हिजनची वैशिष्ट्ये
या फिचरची वैशिष्ट्य संगणक दृष्टी तंत्रज्ञानाद्वाराच्या आधारावर आहेत. या फिचरच्या माध्यमातून तिकीट, बोर्डिंग पास किंवा बॅगेच्या टॅगवरील कोड स्कॅन करून प्रवासी माहिती घेऊ शकतात. तसेच या माध्यमातून प्रवासी थेट अपद्वारे जेवणाची प्राधान्ये ठरवू शकतात आणि निवडूही शकतात. तसेच प्रवाशी आपल्या सामानाची स्थिती तपासून पाहू शकतात. प्रवाशांनी त्यांच्या चेक-इन केलेल्या बॅगांच्या स्थितीचे निरीक्षण करू शकतात. बॅगेज ट्रॅकिंग फीचरमध्ये आता तीन फीचर्स उपलब्ध असणार आहेत.