Chandrashekhar Bawankule : ओयो या ऑनलाइन हॉटेल आणि रूम बुकिंग सेवेबाबत राज्य सरकारकडून नवी नियमावली लागू केली जाण्याची शक्यता आहे. त्यादृष्टीने नागपूरमध्ये पोलीस आयुक्त विश्वास नांगरे पाटील यांनी पाऊल टाकले आहे.

या सगळ्याबाबत नागपूरचे पालकमंत्री चंद्रशेखर बावनकुळे (Chandrashekhar Bawankule) यांनी माहिती दिली. यावरुन आगामी काळात ओयोबाबत कठोर पावले उचलली जाण्याचे संकेत आहेत.याठिकाणी लोक येतात. माझी याबाबत पोलीस आयुक्त आणि मुख्यमंत्र्यांशी चर्चा झाली होती, त्यांनी हा विषय गांभीर्याने घेतला आहे.

मी यासाठी विश्वास नांगरे पाटील यांचे अभिनंदन करतो, त्यांनी चांगली नियमावली तयार केली आहे. आता ओयो हॉटेलमध्ये जाताना सर्व रेकॉर्ड ठेवावा लागेल. 90 दिवसांचे सीसीटीव्ही चित्रीकरण ठेवणे बंधनकारक असेल.

नागपूरमध्ये प्रत्येक दोन हॉटेलमागे ओयोचा बोर्ड लागला आहे, त्याची तपासणी करावी लागेल. त्यामुळे प्रत्येक ठिकाणी आता ओयोवर पोलिसांची करडी नजर असेल. या जिल्ह्याची सांस्कृतिक आणि सामाजिक परंपरा बिघडणार नाही, याची काळजी नांगरे पाटलांनी घेतली आहे. त्यासाठी त्यांचे अभिनंदन करतो, असे बावनकुळे (Chandrashekhar Bawankule) यांनी म्हटले.