चॅम्पियन्स ट्रॉफीच्या सेमी फायनलमध्ये इंडिया आणि ऑस्ट्रेलिया यांच्यात लढत पार पडणार आहे. हा सामना ४ मार्च रोजी पार पडणार आहे. या सामन्यात जो संघ जिंकेल तो थेट फायनलमध्ये पोहोचणार आहे. आतापर्यंत या स्पर्धेत भारताने तिन्ही सामने जिंकले, तर ऑस्ट्रेलियाने एक सामना जिंकला आणि दोन सामने पावसामुळे रद्द झाले. आता हे दोन्ही संघ सेमी फायनलमध्ये एकमेकांविरुद्ध भिडणार आहेत. या सामन्यात भारताची प्लेइंग 11 कशी असेल याकडे सगळ्यांचे लक्ष लागले आहे.

‘या’ खेळाडूमुळे रोहित शर्माची कोंडी
न्यूझीलंडविरुद्धच्या सामन्यात रोहित शर्माने संघात एक बदल केला होता. हार्षित राणा ऐवजी वरुण चक्रवर्तीला संधी दिली होती. पण त्याने या सामन्यात पाच विकेट घेतल्याने कर्णधार रोहित शर्माची गोची झाली आहे. त्यामुळे रोहित शर्मा कोणत्या खेळाडूंसह मैदानात उतरेल याची उत्सुकता लागून आहे. ऑस्ट्रेलियाविरुद्धच्या सामन्यात रोहित शर्मा संघात कोणताच बदल करणार नाही असं बोललं जात आहे. म्हणजेच न्यूझीलंडविरुद्धचा संघच मैदानात उतरवणार आहे. जर रोहित शर्माने संघात कोणातही बदल केला नाही तर हार्षित राणाला बेंचवर बसावं लागेल. दुसरीकडे, अर्शदीप सिंह आणि ऋषभ पंत यांना बेंचवरच बसवलं जाईल.

ऑस्ट्रेलियाकडून एक बदल
दुसरीकडे उपांत्य फेरीच्या सामन्यासाठी ऑस्ट्रेलियाच्या संघात एक बदल करण्यात आला आहे. ऑस्ट्रेलियाचा ओपनर मॅथ्यू शॉर्ट दुखापतीमुळे संघाबाहेर गेला आहे. त्याच्या जागी ऑस्ट्रेलियन संघात कूपर कॉनोलीला स्थान देण्यात आले आहे.

उपांत्य फेरीसाठी दोन्ही संघांची संभाव्य प्लेइंग 11
भारत : रोहित शर्मा (कर्णधार), शुबमन गिल, विराट कोहली, श्रेयस अय्यर, केएल राहुल, अक्षर पटेल, हार्दिक पंड्या, रवींद्र जडेजा, कुलदीप यादव, वरुण चकवर्ती और मोहम्मद शमी.

ऑस्ट्रेलिया : ट्रेविस हेड, कूपर कोनोली, स्टीव स्मिथ, मार्नस लाबुशेन, जॉश इंग्लिस, एलेक्स कॅरी, ग्लेन मैक्सवेल, बेन ड्वारशुईस, नाथन एलिस, एडम जंपा, स्पेन्सर जॉन्सन