Cash-for-votes allegations: भारतीय जनता पक्षाचे राष्ट्रीय सरचिटणीस विनोद तावडे यांनी काँग्रेसचे राष्ट्रीय अध्यक्ष मल्लिकार्जुन खर्गे, काँग्रेसचे ज्येष्ठ नेते राहुल गांधी आणि सुप्रिया श्रीनेट यांना कायदेशीर नोटीस पाठवली आहे. खुद्द विनोद तावडे यांनी ही माहिती दिली आहे.

भाजपचे राष्ट्रीय सरचिटणीस विनोद तावडे म्हणाले की, महाराष्ट्र विधानसभा निवडणुकीच्या पूर्वसंध्येला (19 नोव्हेंबर) काँग्रेसचे अध्यक्ष मल्लिकार्जुन खरगे, काँग्रेस नेते राहुल गांधी आणि पक्षाच्या प्रवक्त्या सुप्रिया यांनी विनोद तावडे यांना मतदारांना 5 कोटी रुपये वाटताना रंगेहाथ पकडले अशी सर्व प्रकारची नाट्यमय विधाने केली. त्यांना फक्त माझी आणि माझ्या पक्षाची बदनामी करायची होती, असे विनोद तावडे म्हणाले.

त्यांच्या या बदनामीकारक विधानाचा मला त्रास झाला. मी एका सामान्य मध्यमवर्गीय कुटुंबातून आलो आहे, मी गेली 40 वर्षे राजकारणात आहे, पण मी असे काहीही केले नाही. काँग्रेसच्या नेत्यांना माझी, पक्षाची आणि माझ्या नेत्यांची बदनामी करायची होती, म्हणून त्यांनी हे खोटे मीडिया आणि लोकांसमोर जाणूनबुजून सांगितले, म्हणून मी त्यांना न्यायालयाची नोटीस बजावून जाहीरपणे माफी मागावी किंवा कारवाईला सामोरे जावे, अशी विनंती केली आहे.

कांग्रेस का एक ही काम है झूठ फैलाना!

नालासोपारा वाले झूठे मामले में मैंने कांग्रेस अध्यक्ष मल्लिकार्जुन खड़गे, राहुल गाँधी और पार्टी प्रवक्ता सुप्रिया श्रीनेत को मानहानि का नोटिस भेजा है, क्योंकि उन्होंने इस मामले में झूठ फैलाकर मेरी और भारतीय जनता पार्टी की छवि को नुकसान… pic.twitter.com/ZO75yKSx8m

— Vinod Tawde (@TawdeVinod) November 22, 2024

तावडे यांच्यावरील आरोपांचे प्रकरण काय?

महाराष्ट्रात मतदानापूर्वी रोकड घोटाळ्याने राजकीय खळबळ उडाली होती. भाजपचे सरचिटणीस विनोद तावडे यांच्यावर विरारमधील एका हॉटेलमध्ये पैसे वाटल्याचा आरोप होता. असा आरोप बहुजन विकास आघाडीच्या कार्यकर्त्यांनी केला होता, तावडे यांनी विरार पूर्वेतील एका हॉटेलमध्ये पैसे वाटप केले. तावडे आणि विधानसभेचे उमेदवार राजन नाईक यांनी वाटण्यासाठी पाच कोटी रुपये आणले होते. या संपूर्ण प्रकरणी तीन एफआयआर दाखल करण्यात आले होते. एक एफआयआर तावडे यांच्याविरोधात, दुसरा भाजप उमेदवार राजन नाईक आणि इतरांविरोधात आणि तिसरा बहुजन विकास आघाडीच्या कार्यकर्त्यांविरोधात नोंदवण्यात आला आहे.

या प्रकरणानंतर विनोद तावडे यांचे वक्तव्यही समोर आले होते. नालासोपाऱ्यातील आमदारांची बैठक होती असे, तावडे म्हणाले होते. मी त्यांना मतदानाच्या दिवशी आदर्श आचारसंहिता, मतदान यंत्र कसे सील केले जाईल आणि काही आक्षेप नोंदवायचे असल्यास काय करावे याची माहिती देण्यासाठी आलो होतो. बहुजन विकास आघाडीचे कार्यकर्ते अप्पा ठाकूर आणि क्षितीज यांना वाटले की आम्ही पैसे वाटप करत आहोत. निवडणूक आयोग आणि पोलिसांनी या प्रकरणाची चौकशी करावी. सीसीटीव्ही फुटेजही तपासावे, असे तावडे यांनी म्हंटले होते.

याप्रकरणी काँग्रेस खासदार राहुल गांधी यांनी पंतप्रधान मोदींना प्रश्न केला होता. राहुल यांनी एका पोस्टमध्ये लिहिले होते की, मोदीजी, हे 5 कोटी रुपये कोणाच्या सेफमधून बाहेर आले? जनतेचा पैसा लुटून तुम्हाला टेम्पोमध्ये कोणी पाठवला? राहुल यांच्या पोस्टला तावडे यांनी प्रत्युत्तर दिले होते. तुम्ही नालासोपारा येथे येऊन हॉटेलचे सीसीटीव्ही फुटेज बघा, असे सांगितले होते. तेथे झालेल्या निवडणूक आयोगाची संपूर्ण कार्यवाही पहा. पैसे कसे आले हे सिद्ध करा. कोणतीही माहिती नसलेले असे विधान बालिश नसेल तर ते काय आहे? असे तावडे म्हणाले होते.

व्हिडिओ शेअर करताना काँग्रेसने X वर काय लिहिले?

व्हिडिओ शेअर करताना काँग्रेसने X वर लिहिले होते की, भाजपचे राष्ट्रीय सरचिटणीस विनोद तावडे महाराष्ट्रातील एका हॉटेलमध्ये पैसे वाटप करताना पकडले गेले आहेत. विनोद तावडे हे एका पिशवीत पैसे घेऊन तेथील लोकांना बोलावून पैसे वाटप करत होते. ही बातमी जनतेला समजताच मोठा गोंधळ उडाला. विनोद तावडेंचे पैशांसोबत अनेक व्हिडिओ समोर येत आहेत. महाराष्ट्रात मतदान होण्याआधीच भाजपचे नेते पैशाच्या जोरावर निवडणुकांवर प्रभाव टाकण्याचा प्रयत्न करत आहेत. यात कार्यकर्त्यांपासून मोठ्या नेत्यांपर्यंत सर्वांचा समावेश आहे. निवडणूक आयोगाने या प्रकरणाची दखल घेऊन कठोर कारवाई करावी. असे काॅंग्रेसने म्हंटले होते.