Jitendra Awhad Whatsapp Viral Chat |  मस्साजोगचे सरपंच संतोष देशमुख यांच्या हत्या प्रकरणातील आरोपीला शिक्षा करण्याच्या मागणीसाठी बीडमध्ये आज सर्वपक्षीय मूक मोर्चा काढण्यात आला होता. त्यानंतर सोशल मीडियावर राष्ट्रवादी काँग्रेसचे आमदार जितेंद्र आव्हाड यांचे कथित व्हॉट्स अॅप चॅट व्हायरल झाले.

याप्रकरणी उपमुख्यमंत्री अजित पवार यांच्या राष्ट्रवादीमधील नेत्या रुपाली ठोंबरे यांनी सोशल मीडिया प्लॅफॉर्म एक्सवर एक पोस्ट करत जितेंद्र आव्हाड यांच्यावर आरोप केले. यानंतर आता जितेंद्र आव्हाड यांनी रुपाली ठोंबरे यांच्या विरोधात बीड येथील शिवाजीनगर पोलिस ठाण्यात गुन्हा दाखल केला आहे. Jitendra Awhad |

 जितेंद्र आव्हाड यांचे ट्वीट 

आमदार जितेंद्र आव्हाड यांनी ट्विट करुन ठोंबरे यांच्या आरोपाला प्रत्युत्तर दिले आहे. आव्हाड यांनी पोस्टमध्ये म्हटले आहे की, “माझा खोटा व्हॉट्सॲप चॅटचा व्हायरल करणाऱ्यांविरुद्ध काल रात्री मी बीडमधील शिवाजीनगर पोलीस ठाण्यात रितसर गुन्हा (एफआयआर) दाखल केला. कर नाही और डर कशाला? फक्त अपेक्षा एवढीच आहे की, हा व्हॉट्स अॅप चॅटचा स्क्रीनशॉट कसा खोटा (माॅर्फ केलेला ) आहे, याची संपूर्ण माहाती मी ट्वीटद्वारे (एक्स पोस्टद्वारे) दिली आहे. त्याचा वापर केला तर पोलिसांना, ‘ चौकशी सुरू आहे’ हे सांगण्याचे कारणच उरणार नाही. मी स्वतःच सर्व तांत्रिक बाबी माझ्या ट्वीटमध्ये सांगितलेल्या माहितीचा वापर केला तर पोलिसांना फक्त कारवाईच करायची आहे,” असंही जितेंद्र आव्हाड यांनी ट्विटमध्ये म्हटले आहे. तसेच जितेंद्र आव्हाड यांनी एक्सवर पोस्ट करत सदर चॅट खोटी असल्याचं स्पष्ट केलं आहे. Jitendra Awhad |

माझा खोटा वाॅटसॲप चॅटचा वायरल करणाऱ्यांविरुद्ध काल रात्री मी बीडमधील शिवाजी नगर पोलीस ठाण्यात रितसर गुन्हा (एफआयआर) दाखल केला. कर नाही और डर कशाला?
फक्त अपेक्षा एवढीच आहे की, हा वाॅटसॲप चॅटचा स्क्रीनशॉट कसा खोटा (माॅर्फ केलेला ) आहे, याची संपूर्ण माहाती मी ट्वीटद्वारे (एक्स… pic.twitter.com/HCimCzXnDY

— Dr.Jitendra Awhad (@Awhadspeaks) December 29, 2024

आव्हाड यांनी आणखी एक ट्वीट करत लिहिले की, “माझा खोटा वाॅटसॲप चॅट व्हायरल करणाऱ्यांची घाणेरडी मानसिकता कशी स्पष्ट झाली आहे ते बघा…
१) माझ्या वाॅटसॲप डीपीवर माझा फोटो नसून डाॅ. बाबासाहेब आंबेडकर यांचा आहे. ज्यावेळेस संसदेत अमित शहा यांनी बाबासाहेब आंबेडकर यांच्याबद्दल ,”आंबेडकर आंबेडकर हे फॅशन झाले आहे”, असे अनुद्गार काढले. तेव्हापासून आंबेडकर ही फॅशन नाही तर “पॅशन” असे म्हणत हा डीपी मी ठेवलेला आहे.
२) मी कितीही रागात असलो, संतापलेलो असलो तरी ‘अजित’ असे कधीच म्हणत नाही. मी अजित पवार असाच उल्लेख करतो आणि शांत असलो तर ‘अजितदादा’ असे म्हणतो. हे आता मखलाशी, मस्का पाॅलिसीसाठी लिहीत नाही. मी जे बोलतो ते स्पष्टच बोलतो.
३) हे खोटं चॅट व्हायरल करताना, ‘दलित आणि मुस्लिमांना पैसे देऊन बोलव,’ असे वाक्य माझ्या तोंडून निघाले आहे, असे दाखवितानाही हे चॅट करणाऱ्यांची धर्मद्वेषी, जातीद्वेषी मानसिकताच उघडकीस आली आहे. हे खोटं चॅट लिहितानाही या विकृत मानसिकतेच्या लोकांच्या मनातील दलित आणि मुस्लिमांबद्दलचा द्वेषच उघडा पडला आहे.
४) दीपक केदार याची आणि माझी कुठेतरी एकदाच भेट झाली असून फक्त दोन ते तीन वेळा त्याच्याशी बोलणे झाले आहे. दीपक केदारचा उल्लेख करून आंबेडकरी नेता असा उल्लेख करत मनातला दलीत वेष उघड केला
५) सर्वात महत्वाचे म्हणजे माझ्या ज्या नंबरचा वापर माॅर्फ चॅटिंगसाठी करण्यात आला. तो नंबर म्हणजे 9930000001 हा साधा वाॅटसॲप आहे. मात्र, ज्यांनी खोटी चॅट तयार केली. त्यांनी या नंबरवरील वाॅटसॲप #बिझनेस असल्याचे दाखविले. म्हणजेच, केवळ कुणाला तरी खुष करण्याच्या नादात स्वतःच्याच पायावर कुर्‍हाड मारून घेतली आणि उघडे पडले.
६) मी apple phn वापरतो आणि ह्यां लोकांनी माझा chat android फोन मधून स्क्रीन शॉट व्हायरल केला आहे
मला लक्ष्य करण्यासाठी खोटं लिहीले आणि एक्स्पोज झाले. या खोट्या चॅटसाठी कामाला लागलेली टीम अजितदादा यांना माहितही नसेल. पण, असे काही तरी उद्योग करून अजितदादांकडून स्वतःचा उदोउदो करून घेण्यासाठीच हा बालहट्ट केला अन् स्वतःच्याच पायात पाय अडकून उताणे पडले. खोटे करायलाही डोके लागते,’ असे व्हायरल चॅटवर आव्हाड यांनी स्पष्टीकरण दिले आहे. तर शेवटी त्यांनी अपने ही जाल में ऐसे बेरी तरह फसना मत’, असे म्हणत रूपाली ठोंबरे यांच्यावर निशाणा साधला आहे.

माझा खोटा वाॅटसॲप चॅट वायरल करणाऱ्यांची घाणेरडी मानसिकता कशी स्पष्ट झाली आहे ते बघा…
१) माझ्या वाॅटसॲप डीपीवर माझा फोटो नसून डाॅ. बाबासाहेब आंबेडकर यांचा आहे. ज्यावेळेस संसदेत अमित शहा यांनी बाबासाहेब आंबेडकर यांच्याबद्दल ,”आंबेडकर आंबेडकर हे फॅशन झाले आहे”, असे अनुद्गार काढले.… pic.twitter.com/kdU2idECdH

— Dr.Jitendra Awhad (@Awhadspeaks) December 28, 2024

व्हायरल चॅटमध्ये काय आहे?

आमदार जितेंद्र आव्हाड यांचे एक कथित चॅट व्हायरल झाले आहे. या चॅटमध्ये, ‘उद्याचा मसाला तयार ठेव शिवराज..मी पहिली तुझी भेट घेईन, त्यानंतर मोर्चाकडे. मुंडेंविरोधात आणि वाल्या विरोधात जे जे असेल सर्व गोळा कर पैसे लागले तर मला फोन कर, पण मटेरियल तयार ठेव. तुझा फोन लागत नाहीय सकाळपासून प्रयत्न करतोय.

मोर्च्यात मुस्लिम आणि दलितांनाही गोळा करता आलं तर करा, पैशांची काळजी करु नको. आंबेडकरी चळवळीतील दीपक केदार म्हणून माझा माणूस आहे, त्याला ही संधी द्यावी, मी सांगितलं आहे, कसं काय कुणावर बोलायचं. कसा मंत्री राहतो आणि अजित याला कसा पक्षात ठेवतो ते बघू आता,’ असं व्हायरल होणाऱ्या चॅटमध्ये म्हटलं आहे.

हेही वाचा : 

पतंग पकडण्याच्या नादात बोरवलेमध्ये पडलेल्या 10 वर्षीय मुलाचा मृत्यू, 16 तास चालले बचावकार्य