BYJU : एज्युटेक क्षेत्रातील एक प्रमुख व्यक्तिमत्व आणि BYJUचे संस्थापक बायजू रवींद्रन यांच्या अडचणी अजूनही सुरूच आहेत. आता त्यांना एका परदेशी न्यायालयाकडून मोठा धक्का बसला आहे. सिंगापूरच्या एका न्यायालयाने न्यायालयाचा अवमान केल्याबद्दल त्यांना सहा महिन्यांच्या तुरुंगवासाची शिक्षा सुनावली आहे.

ब्लूमबर्गच्या वृत्तानुसार, सिंगापूरच्या न्यायालयाला, बायजू रवींद्रन यांनी त्यांच्या मालमत्ता आणि जाहीर केलेल्या माहितीशी संबंधित अनेक न्यायालयीन आदेशांचे उल्लंघन केले होते. असे आढळून आले. हे आदेश एप्रिल २०२४ पासून प्रलंबित होते आणि रवींद्रन त्यांचे पालन करण्यात अयशस्वी ठरले. या अवमानामुळे न्यायालयाने त्यांच्यावर ही कठोर कारवाई केली आहे.

दंडही ठोठावला, आत्मसमर्पणाचे आदेश BYJU 

तुरुंगवासाच्या शिक्षेव्यतिरिक्त, न्यायालयाने रवींद्रन यांना तात्काळ अधिकाऱ्यांसमोर आत्मसमर्पण करण्याचे निर्देश दिले आहेत. याव्यतिरिक्त, त्यांना ९०,००० सिंगापूर डॉलर (अंदाजे ७०,५०० अमेरिकन डॉलर किंवा अंदाजे ५९ लाख रुपये) कायदेशीर खर्च भरण्याचे आदेश देण्यात आले आहेत.

न्यायालयाने त्याला ‘बीआर इन्व्हेस्टको पीटीई.’ नावाच्या कॉर्पोरेट संस्थेच्या मालकीशी संबंधित कागदपत्रे सादर करण्यास सांगितले आहे, जिचे एका उपकंपनीमध्ये शेअर्स आहेत.

खटला कोणी दाखल केला?

सिंगापूरमधील बायजू रवींद्रन यांच्याविरुद्धची ही कायदेशीर लढाई कतार इन्व्हेस्टमेंट अथॉरिटी (QIA) ची उपकंपनी असलेल्या कतार होल्डिंग्जने सुरू केली होती. जेव्हा कंपनी आधीच आर्थिक अडचणींचा सामना करत होती आणि कर्मचाऱ्यांची कपात करत होती,

तेव्हा कतार होल्डिंग्जने बायजूच्या फंडिंग राउंडमध्ये गुंतवणूक केली होती. कतार होल्डिंग्जचे प्रतिनिधित्व ड्र्यू अँड नेपियर यांनी केले, तर बायजू इन्व्हेस्टमेंट्सचे प्रतिनिधित्व फर्व्हेंट चेंबर्सने केले.

रवींद्रनाथ जगभरात कायदेशीर अडचणीत सापडले BYJU :

एके काळी भारतातील सर्वात मोठ्या स्टार्टअप्सपैकी एक आणि अब्जाधीश असलेले बायजू रवींद्रनाथ आता अनेक देशांमध्ये कायदेशीर अडचणीत सापडले आहेत. सिंगापूर आणि अमेरिकेतील कर्जदाते देखील त्यांच्यावर कथित १.२ अब्ज डॉलर्सच्या कर्ज थकबाकी आणि फसवणुकीसाठी खटले दाखल करत आहेत.

वींद्रनाथ सध्या सिंगापूरमध्ये आहेत की दुसऱ्या देशात, हे अस्पष्ट आहे आणि शिक्षेबाबत त्यांच्याकडून कोणतेही अधिकृत निवेदन आलेले नाही.