Buldhana Crime News : बुलढाण्यातील देऊळगाव राजा शहरात सोमवारी रात्री तुफान हाणामारी झाल्याची माहिती समोर आली आहे. दोन्ही गटाकडून शस्त्रांचा वापर करण्यात आल्याने या घटनेत 2 जणांचा मृत्यू झाला आहे, तर 7 जण जखमी आहेत. मृत झालेले दोघेही राजकीय पक्षासंबंधीत आहेत. यातील एकजण शिंदे सेनेचा नगरसेवक आहेत तर एकजण अजित पवार गट राष्ट्रवादीचा कार्यकर्ता असल्याची माहिती मिळत आहे.

नेमकं काय घडलं? 

मिळालेल्या माहितीनुसार, काल (5 ऑक्टोम्बर) रात्री देऊळगाव राजा शहरातील एका परिसरात कव्वालीचा कार्यक्रम आयोजित करण्यात आला होता. या कार्यक्रमात काही लहान मुलांमध्ये बसण्याच्या कारणावरून वाद झाला. या दोन गटामध्ये जोरदार बाचाबाची झाली, बाचाबाचीचे रुपांतर हाणामारीमध्ये झाले. यावेळी दोन्ही गटाने एकमेकांवर धारदार शस्त्रानेही वार केल्याची माहिती समोर आली आहे. विशेष म्हणजे देऊळगाव राजा पोलीस स्थानकाच्या गेट समोरच हा राडा झाला.

दरम्यान, या हाणामारीत शिंदेंच्या शिवसेनेचे विद्यमान नगरसेवक अन्वर शेख आणि अजित पवार यांच्या राष्ट्रवादीचे कार्यकर्ते असलेले आरिफ पठाण यांचा मृत्यू झाला आहे. हे दोन्ही परस्पर विरोधी गटातील होते.

या वादामागे काही राजकीय पार्श्वभूमी आहे का? नेमका वाद का झाला? याचा शोधही पोलीस घेत आहेत. पोलिसांनी विविध कलमान्वये दोन्ही गटातील अनेक लोकांविरुद्ध गुन्हे दाखल केले असून देऊळगाव राजा शहरात मोठ्या प्रमाणात पोलीस बंदोबस्त लावण्यात आला आहे.

हेही वाचा: 

Sohla Movie Trailer : सोनाली बेंद्रेचे मराठी सिनेमात पदार्पण; चाहत्यांमध्ये उत्सुकता