Kalyani Priyadarshan : आपल्याकडे पुरुष कलाकार सुपरहिरो चित्रपटात मुख्य भूमिकेत झळकतात. या गोष्टीला छेद देण्याचे काम २०२५ मध्ये प्रदर्शित झालेल्या लोका चित्रपटाने केले. या चित्रपटात महिला कलाकाराने सुपरहिरोची मुख्य भूमिका साकारली आहे. लोका हा चित्रपट मल्ल्याळम भाषिक असून, तो इतर भाषेत देखील प्रदर्शित करण्यात आला. चित्रपटाला प्रेक्षकांनी चांगला प्रतिसाद दिला. आता या चित्रपटाचा दुसरा भाग येण्यासाठी सज्ज आहे. लोका चित्रपटात सुपरहिरो चंद्राची भूमिका साकारणारी अभिनेत्री कल्याणी प्रियदर्शन हिने एका कार्यक्रमात लोका २ याबाबत हिंट दिली आहे. कल्याणी प्रियदर्शन अलीकडेच एका कार्यक्रमात सहभागी झाली होती. या कार्यक्रमादरम्यान अभिनेत्रीने “लोका २ च्या पटकथेवर काम सुरू आहे. सप्टेंबरमध्ये शूटिंग सुरू होण्याची अपेक्षा आहे. मी चित्रपटाचा एक भाग आहे. कृपया चित्रपटाची वाट पहा.” असे सांगितले. लोका हा चित्रपट मल्याळम भाषिक चित्रपट असून चित्रपटाची कथा चंद्राभोवती फिरते. चंद्राकडे अशा काही शक्ती आहेत, ज्यामुळे ती काहीही करू शकते. या शक्तींचा ती चुकीच्या पद्धतीने वापर करत नाही. चित्रपटातील अॅक्शन आणि ड्रामाने प्रेक्षकांना खेळवून ठेवले. त्यामुळेच बॅाक्स अॅाफिसवर चांगली कामगिरी चित्रपटाने केली. लोकामधील एक सीन मीडिया रिपोर्ट्सनुसार, लोका चित्रपटाचे बजेट ३३ कोटी होते. या चित्रपटाने भारतीय बॉक्स ऑफिसवर तब्बल १८३.९६ कोटींची कमाई केली. या चित्रपटाला प्रेक्षकांसह मनोरंजनसृष्टीमधूनही कौतुकाची थाप मिळाली. या चित्रपटाचे दिग्दर्शन डोमिनिक अरुण यांनी केले आहे. चंद्रासोबत नास्लेन या कलाकाराने मुख्य भूमिका साकारली आहे. आता दुसऱ्या भागात काय घडणार याची उत्सुकता चाहत्यांना लागली आहे. हेही वाचा : Mahabaleshwar : एकनाथ शिंदेंची ‘ही’ संकल्पना अजित सपकाळ कशी पूर्ण करणार? वाचा सविस्तर
