britain’s king charles iii – ब्रिटनचे राजे चार्ल्स तिसरे यांना कर्करोगाची लागण झाली असून दोन वर्षांपुर्वीच हे निदान झाले आहे. सध्या हा कर्करोग तिसऱ्या टप्प्यात असल्याचे महाराणी कॅमिला यांनी सांगितले. ही वेदनादायी बातमी जेवढा जास्त काळापर्यंत उघड करणे टाळता येईल, तेवढे टाळण्याचा प्रयत्न आपण केल्याचेही त्यांनी सांगितले.

राजे चार्ल्स सध्या ७७ वर्षांचे असून आपल्यावर कर्करोगाचे उपचार सुरू असल्याचे त्यांनी स्वतःच ५ फेब्रुवारी २०२४ रोजी म्हटले होते. पण त्याच्याही आगोदरपासून सर्व कुटुंबाला ही बातमी माहिती होती, असे महाराणी कॅमिला यांनी म्हटले आहे.

राजघराण्याच्या आरोग्यविषयक स्थितीबाबत सहसा राजघराण्यातील व्यक्ती स्वतःहून बोलत नाही. पण कॅमिला यांनी ही प्रथा मोडली आहे.

जेंव्हा याबद्दल समजले, तेंव्हा आमच्यापैकी कोणीच काहीही बोलू शकले नाही, असे कॅमिला यांनी म्हटले आहे. एक व्हिडीओ बकिंगहॅम राजवाड्याच्यावतीने प्रसिद्धीस दिला गेला आहे.

त्यात मॅगी कॅन्सर चॅरिटी संस्थेच्या मुख्य कार्यकारी डेम लॉरा लिओ यांनी म्हटले आहे. कॅन्सर सपोर्ट चॅरिटीच्या ३० व्या वर्धापनदिनानिमित्त कॅमिला यांनी केलेला वार्तालाप या व्हिडीओमध्ये आहे.

राजे चार्ल्स यांना एप्रिल २०२४ मध्ये कॅन्सर झाल्याचे निष्पन्न झाले होते. पण त्यांनी लगेचच आपल्या सार्वजनिक उपक्रमांना सुरुवात केली. ते काम थांबवू शकले नाहीत. मी देखील त्यांना या कामात सहाय्य करत आहे, असेही त्या म्हणाल्या.

आपण कॅन्सरच्या रुग्णांसाठी काम करत असताना एक दिवस आपल्याला आपणही त्यांच्यापैकी एक आहोत, हे समजते. तेंव्हा त्यांची काळजी घेण्याची आपली भूमिका अधिक सजग बनते, याचा अनुभव आपण घेतल्याचेही कॅमिला यांनी सांगितले.

आजारपणाचा तपशील अजून उघड नाही

राजे चार्ल्स यांना कोणत्या प्रकारचा कर्करोग झाला आहे हे राजवाड्याने उघड केले नाही. तरी चार्ल्स यांनी देशातील कर्करोग रुग्णांवर उपचार करणाऱ्या आणि त्यांना पाठिंबा देणाऱ्यांशी मोठ्या प्रमाणावर संवाद साधला आहे.

चार्ल्स यांच्या सार्वजनिक घोषणेमुळे कर्करोगाचे निदान झाल्याने त्यांच्याशी संपर्क साधणाऱ्या लोकांच्या संख्येत १२ टक्क्यांनी वाढ झाली आहे.  राजे चार्ल्स यांनी त्यांच्या आजाराबद्दल दाखवलेल्या मोकळेपणामुळे इतरांनाही अधिक मोकळेपणाने वागण्यास निःसंशयपणे मदत झाली आहे.

कुटुंब आणि मित्रांनाही आवश्यक असलेला आधार मिळणे किती महत्त्वाचे आहे, हे महाराणींच्या वक्तव्यावरून समजू शकते, असे संस्थेच्या कार्यकारी अधिकारी डेम लॉरा लिओ यांनी म्हटले आहे.