Bribery Case : सदनिकेचा निवासी करारनामा करण्यासाठी दीड लाख रुपयांची लाच मागितल्याच्या आरोपावरून रायगड जिल्ह्यातील पेण येथील दुय्यम निबंधक तथा मुद्रांक निरीक्षक प्रशांत जगदाळे याला लाचलुचपत प्रतिबंधक विभागाने (ACB) अटक केली आहे. (Bribery Case)

मागणी केलेल्या रकमेपैकी एक लाख रुपये यापूर्वीच स्वीकारल्याचा आरोप असून, उर्वरित ५० हजार रुपये घेताना ठाणे ACBच्या पथकाने त्याला पकडले. (Bribery Case)

निवासी करारनाम्यासाठी लाचेची मागणी

प्रशांत अबाजी जगदाळे हा पेण येथील सहाय्यक दुय्यम निबंधक कार्यालयात दुय्यम निबंधक श्रेणी-१ तथा मुद्रांक निरीक्षक म्हणून कार्यरत आहे. एका इमारतीतील सदनिकाधारकाचा निवासी करारनामा करण्यासाठी त्याने तक्रारदाराकडे दीड लाख रुपयांची मागणी केल्याचा आरोप आहे. (Bribery Case)

यासंदर्भात तक्रारदाराने लाचलुचपत प्रतिबंधक विभागाकडे तक्रार दाखल केली होती. ठाणे ACBच्या पथकाने तक्रारीची पडताळणी केली. त्यावेळी दीड लाख रुपयांची मागणी झाल्याचे आणि त्यापैकी एक लाख रुपये यापूर्वीच स्वीकारल्याचे तपासात समोर आल्याचे सांगण्यात आले. (Bribery Case)

कार्यालयातच रचला सापळा

उर्वरित ५० हजार रुपये स्वीकारताना जगदाळे याला पकडण्यासाठी ACBच्या पथकाने सापळा रचला. पेण येथील सहाय्यक दुय्यम निबंधक कार्यालयात तक्रारदाराकडून पैसे स्वीकारत असताना पथकाने त्याला ताब्यात घेतले. (Bribery Case)

या कारवाईनंतर त्याच्याविरोधात कायदेशीर प्रक्रिया सुरू करण्यात आली. या प्रकरणात आणखी कोणाचा सहभाग आहे का, याचाही तपास ACBकडून केला जात आहे. (Bribery Case)

पेण पोलिसांत गुन्हा दाखल

या प्रकरणी पेण पोलीस ठाण्यात गुन्हा दाखल करण्यात आला असून, आरोपीला न्यायालयासमोर हजर करण्याची प्रक्रिया सुरू होती. शासकीय कार्यालयातच लाचलुचपत प्रतिबंधक विभागाने केलेल्या या कारवाईमुळे रायगड जिल्ह्यातील प्रशासकीय वर्तुळात चर्चा सुरू झाली आहे. (Bribery Case)

Bribery Case: शिरूर पोलीस ठाण्यात खळबळ! एक हवालदार ११ हजारांसह रंगेहाथ, तर दुसरा अंधारात फरार