Morne Morkel Backs Rohit Sharma Out Of Form ahead IND vs ENG 3rd ODI : भारत आणि इंग्लंड यांच्यातील तिसऱ्या आणि निर्णायक एकदिवसीय सामन्यापूर्वी रोहित शर्माच्या खराब फॉर्मची आणि निवृत्तीची जोरदार चर्चा रंगली आहे. पहिल्या दोन सामन्यांत ११ आणि २६ धावा करणाऱ्या रोहितच्या भवितव्यावर प्रश्नचिन्ह उपस्थित केले जात असतानाच, भारताचे गोलंदाजी प्रशिक्षक मॉर्ने मॉर्कल यांनी रोहितची भक्कम पाठराखण केली आहे. रोहितच्या फॉर्मबद्दल संघ व्यवस्थापनाला कोणतीही चिंता नसून, तो इंग्लंडच्या आव्हानात्मक परिस्थितीत लवकरच आपली लय परत मिळवेल, असा ठाम विश्वास मॉर्केल यांनी व्यक्त केला आहे.

रोहितच्या फॉर्मवर मॉर्ने मॉर्केल काय म्हणाले?

सामन्याच्या पूर्वसंध्येला झालेल्या पत्रकार परिषदेत मॉर्केल म्हणाले, “नवीन चेंडूने फलंदाजी करणे सोपे नसते. या मालिकेत चेंडू खूप स्विंग होत आहे, त्यामुळे डावाची सुरुवात करणे आव्हानात्मक आहे. पण रोहित यावर नक्कीच मार्ग काढेल, यात शंका नाही. त्याने यापूर्वीही अनेकदा असे करून दाखवले आहे. तो एक अत्यंत अनुभवी खेळाडू असून फलंदाजीच्या फळीत एक वेगळा संयम आणि समतोल आणतो. त्यामुळे त्याच्या तंत्राबाबत किंवा फॉर्मबाबत आम्हाला कोणतीही चिंता नाही.”

लॉर्ड्सच्या खेळपट्टीवर खेळताना मॉर्केल यांचा सल्ला –

Morne Morkel backs Rohit Sharma. pic.twitter.com/qhYlDKVesz

— Mufaddal Vohra (@mufaddal_vohra) July 18, 2026

दुसऱ्या सामन्यात विराट कोहली आणि श्रेयस अय्यर यांच्या चांगल्या सुरुवातीनंतरही भारताची मधली फळी कोसळली आणि संघ २३३ धावांत आटोपला. लॉर्ड्सच्या खेळपट्टीबाबत बोलताना मॉर्केल यांनी फलंदाजांना सावध राहण्याचा सल्ला दिला. ते म्हणाले, “लॉर्ड्सची खेळपट्टी सुरुवातीला कठीण असू शकते. फलंदाजांनी खेळपट्टीचा वेग आणि उसळी समजून घेण्यासाठी सुरुवातीला ५-१० चेंडू अधिक खेळणे गरजेचे आहे. मधल्या षटकांत प्रसिध कृष्णा आणि गुरनूर ब्रार यांनी चांगली गोलंदाजी केली, पण विकेट्स मिळवणे महत्त्वाचे आहे.”

हेही वाचा – World Cup Final Tickets : फायनल मॅच की पैशांचा पाऊस? मेसी विरुद्ध स्पेन महामुकाबल्याच्या एका तिकीटाची किंमत ऐकून डोळे पांढरे होतील!

२०२७ च्या विश्वचषकासाठी टीम इंडियाला मदत करण्याची इच्छा –

🚨 MORNE MORKEL ON HELPING ROHIT SHARMA AHEAD OF THE 2027 WORLD CUP 🇮🇳

Q: Since Rohit doesn’t have a great ODI record in South Africa, will your experience help?

🗣️ Morne Morkel: “I’ve played nearly 20 years of cricket in South Africa, so I understand the conditions well. I’ll…

— Kanaiya ⚡☢️ (@PaceandPlans) July 18, 2026

इंग्लंड दौऱ्यानंतर मॉर्केल आपले पद सोडणार अशा चर्चा सुरू असतानाच, त्यांनी २०२७ च्या एकदिवसीय विश्वचषकासाठी भारतीय संघासोबत काम करण्याची इच्छा व्यक्त केली. दक्षिण आफ्रिकेत होणाऱ्या या विश्वचषकाबाबत ते म्हणाले, “मी २० वर्षे दक्षिण आफ्रिकेत क्रिकेट खेळलो आहे. तिथल्या खेळपट्ट्या कशा बदलतात याची मला पूर्ण कल्पना आहे. हा अनुभव मी भारतीय गोलंदाजांसोबत नक्कीच शेअर करेन आणि विश्वचषकाच्या नियोजनात संघाची मदत करेन.”