Vijay Vadettiwar : देशभरात नीट पेपर फुटीप्रकरणाने मोठी खळबळ उडवून दिली आहे. या प्रकरणात आत्तापर्यंत सीबीआयने देशभरात अनेक ठिकाणी छापे टाकत अनेक संशयित आरोपींना ताब्यात घेतले आहे. या प्रकरणाचे आता महाराष्ट्र कनेक्शन देखील समोर आले असून, नाशिक, पुणे अहिल्यानगरमध्ये मोठी कारवाई करत तीन संशियत आरोपींना ताब्यात घेण्यात आले आहे. या प्रकरणी सखोल चौकशी सीबीआयच्या अधिकाऱ्यांकडून सुरू आहे. वेगवेगळ्या राज्यातून ताब्यात घेण्यात आलेल्या संशियत आरोपींमुळे या प्रकरणाचे धागेदोर दुरपर्यंत पसरल्याचे स्पष्ट झाले आहे. अशातच काँग्रेस पक्षाचे नेते विजय वडेट्टीवार यांनी भाजप नेत्यावर गंभीर आरोप करत सोशल मीडियावरुन एक पोस्ट शेअर केली आहे. या पोस्टमध्ये त्यांनी भारतीय जनता पार्टीचा नेता दिनेश बिंवाल याने ३० लाख रुपयांत NEET चा पेपर विकत घेतला आणि तो पुढे लाखो रुपयांत विकून विद्यार्थ्यांच्या मेहनतीचा बाजार मांडला, असा गंभीर आरोप केला आहे. वडेट्टीवार यांच्या आरोपांमुळे आता राजकारण चांगेलच तापणार असे दिसत आहे. पोस्टमध्ये त्यांनी ही फक्त पेपरफुटी नाही, तर भाजपच्या काळात उभ्या राहिलेल्या भ्रष्ट व्यवस्थेची घाणेरडी वस्तुस्थिती आहे, असाही आरोप केला आहे. विजय वडेट्टीवार यांची पोस्ट (Vijay Vadettiwar) देशभरातील लाखो विद्यार्थ्यांच्या भविष्याशी खेळणारा NEET पेपर लीक घोटाळा हा भाजपच्या संरक्षणाखाली चालणाऱ्या माफियांचा काळा चेहरा आहे. भारतीय जनता पार्टीचा नेता दिनेश बिंवाल याने ३० लाख रुपयांत NEET चा पेपर विकत घेतला आणि तो पुढे लाखो रुपयांत विकून विद्यार्थ्यांच्या मेहनतीचा बाजार मांडला. सोशल मीडियावर पेपर फिरवून लाखो विद्यार्थ्यांच्या स्वप्नांची थेट हत्या करण्यात आली. Vijay Vadettiwar :’ 30 लाख रुपयांत NEET चा पेपर विकत घेतला आणि..’; भाजप नेत्यावर विजय वडेट्टीवारांचा गंभीर आरोप दोन वर्ष रात्रंदिवस अभ्यास करणाऱ्या विद्यार्थ्यांना आज पुन्हा परीक्षा द्यावी लागत आहे, पण पेपर विकणारे आणि देशाच्या शिक्षण व्यवस्थेला काळिमा फासणारे लोक मात्र सत्तेच्या संरक्षणाखाली मोकाट फिरत आहेत. ही फक्त पेपरफुटी नाही, तर भाजपच्या काळात उभ्या राहिलेल्या भ्रष्ट व्यवस्थेची घाणेरडी वस्तुस्थिती आहे. २०२४ मध्येही पेपरफुटी झाली, आता पुन्हा तीच घटना घडली. म्हणजे पेपर लीक हा अपघात नाही, तर भाजप राजवटीत चालणारा संघटित व्यवसाय बनला आहे. लाखो कुटुंबांची स्वप्नं उद्ध्वस्त होत असताना भाजप सरकारला ना लाज, ना जबाबदारी. आज देशातील विद्यार्थी विचारत आहेत, मेहनत करणं चूक आहे का? कारण भाजपच्या राजवटीत गुणवत्ता हरते आणि माफिया जिंकतात. देशभरातील लाखो विद्यार्थ्यांच्या भविष्याशी खेळणारा NEET पेपर लीक घोटाळा हा भाजपच्या संरक्षणाखाली चालणाऱ्या माफियांचा काळा चेहरा आहे. भारतीय जनता पार्टीचा नेता दिनेश बिंवाल याने ३० लाख रुपयांत NEET चा पेपर विकत घेतला आणि तो पुढे लाखो रुपयांत विकून विद्यार्थ्यांच्या मेहनतीचा बाजार… pic.twitter.com/Gvr7FGcKfZ — Vijay Wadettiwar (@VijayWadettiwar) May 13, 2026 नीट पेपरफुटी प्रकरणी सहा जण ताब्यात (Vijay Vadettiwar) नीट पेपर ( NEET Paper) फुटी प्रकरणी सीबीआयने मोठी कारवाई करत विविध ठिकाणाहून 6 आरोपींना अटक केली आहे. तर देशभरात अनेक ठिकाणी छापेही टाकण्यात आले आहेत. जयपूरमधून तीन, गुरुग्राममधून एक, नाशिक आणि अहिल्यानगरमधून एक आशा एकूण सहा आरोपींना ताब्यात घेण्यात आले आहे. सध्या या सर्व आरोपींची चौकशी सुरू आहे. चौकशीतून अनेक धक्कादायक बाबी उघड होण्याची शक्यता वर्तवली जात आहे. सीबीआयने मोबाईल फोनसह अनेक इलेक्ट्रॉनिक उपकरणे आणि गुन्हेगारी पुरावा दर्शवणारी कागदपत्रे जप्त केली आहेत. नाशिकमधून शुभम खैरनार, अहिल्यानगरहून धनंजय लोखंडे, जयपूरमधून मांगीलाल बिवाल, विकास बिवाल आणि दिनेश बिवाल तर गुरुग्राममधून यश यादव अशा एकूण 6 आरोपींना अटक करण्यात आली आहे. हेही वाचा : uttar pradesh storm: उत्तर प्रदेशात वादळाने हाहाकार ; ५४ जणांचा मृत्यू, १६ प्राण्यांचा बळी
