Narayan Rane | माजी केंद्रीय मंत्री आणि भाजपाचे खासदार नारायण राणे यांनी जाहीर सभेत त्यांचे पुत्र आणि आमदार निलेश राणे आणि मंत्री नितेश राणे यांचे तोंडभरून कौतुक केले आहे. राणे घराणेतील हे तिन्ही नेते आपल्या राजकीय भूमिकांमुळे नेहमीच चर्चेत असतात.
“निलेश राणे कुडाळ मालवणमधून आमदार म्हणून निवडून आले म्हणून त्यांचा सत्कार आहे. नितेश राणे महाराष्ट्राच्या मंत्रिमंडळात मत्सोद्योग आणि बंदरेविकास मंत्री आहेत. दोन चिरंजीव आमदार आणि वडील खासदार हे देशातील एकमेव वस्तुस्थिती असेल. माझ्या जीवनातील आनंदाचा क्षण आहे, तो यासाठी की दोन्ही पुत्र कर्तृत्ववान निघावे हे भाग्य मला मिळालं आहे. मुलांचं कौतुक वडील करतात असं नाही. त्यांनी कर्तृत्व सिद्ध केल्यानंतर बोलतोय. माझ्या आयुष्याचा आनंदाचा हा क्षण आहे, तो यासाठी की माझे दोन्ही पुत्र कर्तुत्वान निघावे हे भाग्य मला मिळालं,” अशा शब्दात नारायण राणे यांनी त्यांच्या दोन्ही मुलांचे कौतुक केले आहे. Narayan Rane |
आम्ही तिघेही व्यवसाय सांभाळून राजकारणात सक्रिय
“दोन्ही मुलांनी चांगलं शिक्षण घ्यावं, हे अपेक्षित होतं. त्याप्रमाणे त्यांनी उच्च शिक्षण घेतलं. त्यात निलेश तर वयाच्या पंधराव्या वर्षापासून परदेशात जाऊन शिक्षण घेतलं. एम कॉम मग पीएचडी केली आणि त्यानंतर खासदार म्हणून निवडून आलेत. तर नितेश अमेरिकेहून लंडनला गेला त्याने तिथे एमबीए केलं. असं असताना त्यांना राजकारणातच यावं असं काहीही नव्हतं, त्यांना त्यांची मोकळीक होती. व्यवसायाची देखील संधी होती. आज आम्ही तिघेही आपला व्यवसाय सांभाळून राजकारणात सक्रिय आहोत. त्यामुळे आजही आम्हाला कुणाच्या खिशात हात घालण्याची वेळ येत नाही,” असे नारायण राणे यांनी सांगितले. Narayan Rane |
दोघांबद्दल मला अभिमान – नारायण राणे
“मी 1990 साली राजकारणात आलो. त्यादिवसापासून आजतगायत एकाही कॉन्ट्रॅक्टरने सांगावं की राणेंना पैसे नेऊन दिले, किंवा नितेश, निलेश राणे यांनी पैशांची मागणी केली. आज आम्ही जे आहोत ते स्व: कर्तृत्वाने आहोत. त्यामुळे मला माझ्या दोन्ही मुलांची घमेंड आहे. फार कमी क्षण येतात की वडील आपल्या मुलांचं कौतुक जाहीर सभेत करतात. असा काळही नाही, पण मी त्याला अपवाद असेल. या दोघांबद्दल मला अभिमान आहे,” असेही माजी केंद्रीय मंत्री आणि रत्नागिरी-सिंधुदुर्ग लोकसभा मतदारसंघाचे भाजपचे खासदार नारायण राणे म्हणाले.
हेही वाचा:
