Bollywood । बॉलीवूडच्या प्रसिद्ध अभिनेत्री आणि बहिणी करिश्मा कपूर , करीना कपूर खान नुकत्याच चर्चेत आल्या आहे. या बहिणी ‘द ग्रेट इंडियन कपिल शो’ सीझन 2 च्या पुढच्या एपिसोडमध्ये दिसणार आहे. याचा प्रोमो सध्या चांगलाच व्हायरल झाला आहे. नेटफ्लिक्स टॉक शोमध्ये कपिलसोबतच्या संभाषणात करिश्मा-करीनाने खूप मजा केली होती. जवळपास एक मिनिटाच्या टीझरमध्ये दोन्ही बहिणी अनेक मोठे खुलासे करताना दिसत आहेत. यामध्ये करिश्मा कपूरच्या पहिल्या क्रशपासून ते सैफ अली खान आणि करिनाच्या प्रेमाच्या अभिव्यक्तीपर्यंत सर्व गोष्टींचा समावेश आहे. व्हिडिओमध्ये सैफच्या आयकॉनिक ‘करीना’ टॅटूचीही माहिती देण्यात आली आहे. प्रोमो पाहून हे स्पष्ट होते की, करिनाने सैफला ‘तुझे माझ्यावर प्रेम आहे, तर तू माझे नाव लिहशील’ असे सांगितले होते. दुसरीकडे, कृष्णा अभिषेकने त्याच्या मामा आणि ‘राजा बाबू’ अभिनेता गोविंदासारखे कपडे घातले आणि करिश्मासोबत हुक स्टेप केली. इतकंच नाही तर करिश्मा कपूरचा पहिला क्रश बॉलीवूड सुपरस्टार सलमान खानवर होता हेही प्रोमोवरून स्पष्ट झालं आहे. बहीण करिश्माची कोणती सवय करीनाला त्रास देते यावरही या दोघी बहिणी बोलतांना दिसत आहे. कपूर सिस्टर्स एपिसोडचा प्रमोशनल व्हिडिओ खूपच मनोरंजक दिसत आहे. करिश्मा आणि करिना यांच्यातील बॉन्ड पाहण्यासाठी चाहते संपूर्ण एपिसोडची वाट पाहत आहेत. ==========
