Salman and Shah Rukh:  ‘कॉफी विथ करण’ या लोकप्रिय शोचा सीझन नववा प्रेक्षकांच्या भेटीस आला आहे. या शोमध्ये अनेक सेलिब्रिटी सहभागी होतात आणि अनेक खुलासे करतात. यंदाचा सीझन ९ मजेशीर, संभाषण आणि बेधडकपणे भरलेला असेल, असंही करणने म्हटलं आहे. त्यामुळे करणच्या आगामी सीझनबद्दल अनेकांच्या मनात उत्सुकता आहे. यावेळी या शोमध्ये त्याचा पहिला पाहुणा सलमान खान आहे. यावेळी करण जोहरने सलमानच्या समोर त्याच्या मनातील इच्छा बोलून दाखवली आहे.

‘कॉफी विथ करण’च्या नवव्या सीझनच्या पहिल्याच एपिसोडमधील ‘रॅपिड फायर’ राऊंड दरम्यान करण जोहरला एक प्रश्न विचारण्यात आला की, “जर तुम्ही एका दिवसासाठी शाहरुख खान बनलात तर सगळ्यात आधी काय कराल?”

त्यावर करण म्हणाला की, “मी सर्वात आधी करण जोहरला फोन करेन आणि शाहरुख व सलमानला घेऊन पुन्हा एकदा एक चित्रपट दिग्दर्शित करण्याची माझी इच्छा सांगेन.” करणच्या या वक्तव्याने शाहरुख-सलमान पुन्हा एकत्र दिसणार का?” असा सवाल केला जात आहे.

सलमान आणि शाहरुख खानने १९९५ मध्ये ‘करण अर्जुन’ या चित्रपटात एकत्र काम केलं होतं. त्यानंतर करणच्या ‘कुछ कुछ होता है’ सिनेमातही दोघे एकत्र दिसले. मात्र आता २८ वर्षांनंतर सलमान-शाहरुख करणच्या सिनेमात पुन्हा एकत्र दिसणार असल्याची चर्चा रंगली आहे.

हेही वाचा: 

Farz Movie : 12 आठवडे चित्रपटगृहं होती रिकामी, तरी जितेंद्र यांनी हार मानली नाही; ‘फर्ज’च्या यशामागचा रंजक किस्सा