Bollywood News : सध्या महाराष्ट्रात भोंदूबाबा अशोक खरात प्रकरण जोरात चर्चेत आहे. स्वतःला दैवी शक्ती (Bollywood News) असल्याचे सांगून अनेक महिलांवर लैंगिक अत्याचार आणि बलात्कार केल्याच्या गंभीर आरोपात नाशिक पोलिसांनी त्याला अटक केली असून, प्रकरणात रोज नवे धक्कादायक खुलासे होत आहेत. याच पार्श्वभूमीवर हिंदी टीव्ही इंडस्ट्रीची (Bollywood News) प्रसिद्ध अभिनेत्री दिव्यांका त्रिपाठी यांच्याशी संबंधित एक भावनिक आणि धक्कादायक कहाणी समोर आली आहे. दिव्यांका त्रिपाठी यांनी एका मुलाखतीत खुलासा केला की, त्यांच्या पूर्वीच्या बॉयफ्रेंड शरद मल्होत्रा यांच्यापासून वेगळे झाल्यानंतर ती इतकी दुःखी आणि हताश झाली होती की, त्याला परत मिळवण्यासाठी तिने अंधश्रद्धेचा मार्गही स्वीकारला होता. तिला वाटायचे की, शरदवर कोणीतरी काळी जादू केली आहे आणि त्याला वाचवण्यासाठी व परत आणण्यासाठी भोंदूबाबांच्या दरबारी जाणे हाच एकमेव मार्ग आहे. divyanka tripathi प्रेमकहाणी आणि ब्रेकअप दिव्यांका त्रिपाठी आणि शरद मल्होत्रा यांची ओळख ‘बनूं मैं तेरी दुल्हन’ या लोकप्रिय मालिकेच्या सेटवर झाली. ऑनस्क्रीन जोडी इतकी गाजली की, ऑफस्क्रीनही दोघांची मैत्री प्रेमात रूपांतरित झाली. तब्बल ८ वर्षे त्यांचे रिलेशनशिप चांगले चालले होते. चाहते त्यांना लग्न करताना पाहण्याची आतुरतेने वाट पाहत होते. मात्र अचानक दोघांचे नाते तुटले. ब्रेकअपनंतर दिव्यांकाचे जग पूर्णपणे बदलले. त्या काळात ती मानसिक तणावात इतकी बुडाली होती की, शूटिंगदरम्यान वारंवार रडायची. तिने उघडपणे सांगितले, “मी प्रेमात इतकी वेडी झाले होते की, शरदला परत मिळवण्यासाठी मी सर्व सीमा ओलांडल्या. मला वाटायचे की, त्याच्यावर काळा जादू केली आहे. त्याला वाचवण्यासाठी आणि माझ्याकडे परत आणण्यासाठी मी भोंदूबाबा आणि अंधश्रद्धेच्या मार्गानेही जायला तयार होते.” नवीन प्रेम आणि सुखी संसार अखेर दिव्यांकाला जाणीव झाली की, एखाद्याचे प्रेम मिळवण्यासाठी इतकी धडपड करावी लागत असेल, तर ते खरे प्रेम असू शकत नाही. नंतर ‘ये है मोहब्बतें’ मालिकेच्या सेटवर तिची भेट विवेक दहिया यांच्याशी झाली. सेटवर सुरू झालेली मैत्री हळूहळू प्रेमात बदलली. २०१६ मध्ये दोघांनी थाटामाटात लग्न केले आणि एक सुंदर संसार सुरू झाला. आता या जोडप्याच्या आयुष्यात आनंदाची नवी बातमी समोर आली आहे. लग्नानंतर १० वर्षांनी दिव्यांका त्रिपाठी (Bollywood News) ४१ व्या वर्षी आई होणार आहेत. दिव्यांकाने आपल्या चाहत्यांसोबत ही आनंदाची बातमी शेअर केली आहे.
