Bollywood Actress Death : मनोरंजन विश्वातून धक्कादायक बातमी समोर आली आहे. अभिनेत्री अनन्या राज हिचं वयाच्या अवघ्या २७व्या वर्षी निधन झालं आहे. विशेष म्हणजे, तिच्या निधनाची माहिती कुटुंबीयांनी जवळपास महिनाभरानंतर सोशल मीडिया पोस्टद्वारे दिली. ही बातमी समोर आल्यानंतर अभिनेत्रीचे चाहते आणि मनोरंजन क्षेत्रातील अनेकजण भावुक झाले आहेत. (Bollywood Actress Death)

झोपेतच घेतला अखेरचा श्वास

कुटुंबीयांनी सोशल मीडिया पोस्टमध्ये दिलेल्या माहितीनुसार, १५ जुलैच्या पहाटे अनन्या हिने झोपेतच अखेरचा श्वास घेतला. गेल्या वर्षभरापासून ती शारीरिक आणि मानसिक त्रासाचा सामना करत होती. या कठीण काळात तिने धैर्याने परिस्थितीचा सामना केला, असं कुटुंबीयांनी म्हटलं आहे. तिच्या निधनाची बातमी उशिरा जाहीर करण्यामागे कुटुंबीयांना हा कठीण काळ सावरण्यासाठी वेळ हवा होता, अशी माहिती त्यांच्या पोस्टमधून समोर आली आहे. (Bollywood Actress Death)

अनेक बॉलिवूड चित्रपटांत केलं काम

अनन्या राज हिने आपल्या छोट्या पण उल्लेखनीय कारकिर्दीत काही बॉलिवूड चित्रपटांमध्ये काम केलं होतं. चित्रपटांसोबतच ती म्युझिक व्हिडिओंमध्येही दिसली होती. सोशल मीडियावरही तिचा मोठा चाहतावर्ग होता. (Bollywood Actress Death)

मुंबईत वाढलेल्या अनन्याने २०१६ मध्ये ‘७ अवर्स टू गो’ या चित्रपटातून अभिनय क्षेत्रात पदार्पण केलं. त्यानंतर ‘द फायनल एक्झिट’ आणि ‘घोस्ट’ यांसारख्या चित्रपटांमध्येही तिने भूमिका साकारल्या. (Bollywood Actress Death)

२८वा वाढदिवस साजरा करण्याआधीच निधन

IMDbवरील माहितीनुसार अनन्या राजचा जन्म २२ ऑक्टोबर १९९८ रोजी झाला होता. मात्र, वयाच्या अवघ्या २७व्या वर्षीच तिच्यावर काळाने घाला घातला. तिच्या निधनाची बातमी समोर आल्यानंतर चाहत्यांकडून सोशल मीडियावर तिच्या आठवणींना उजाळा देत श्रद्धांजली वाहिली जात आहे. अवघ्या २७व्या वर्षी अभिनेत्रीचा असा अचानक मृत्यू झाल्याने बॉलिवूड आणि तिच्या चाहत्यांमध्ये हळहळ व्यक्त होत आहे. (Bollywood Actress Death)

Actress Death : मनोरंजन विश्वात खळबळ ! ‘या’ प्रसिद्ध टीव्ही अभिनेत्रीने घेतला जगाचा निरोप

Actress Mugdha Shah : ‘झिरो बँक बॅलन्स, पदरात दोन मुलं आणि नव्याने सुरू झालेला प्रवास’; अभिनेत्री मुग्धा शाहांचा डोळे पाणवणारा संघर्ष