झारखंडमधील धनबादमध्ये भाजप आमदार इंद्रजित महतो यांचा मुलगा विवेक याने विष प्राशन करून आत्महत्या केली आहे. रविवारी मध्यरात्री ही घटना घडली आहे. पोलिसांनी घटनास्थळ गाठून घटनेची माहिती घेतली. कुटुंबीयांचीही चौकशी करण्यात येणार असल्याचे पोलिसांचे म्हणणे आहे. विवेकच्या जवळच्या मित्रांकडूनही माहिती घेतली जाणार आहे. विवेकने आत्महत्या का केली याचे कारण अद्याप स्पष्ट झालेले नाही.

मिळालेल्या माहितीनुसार, धनबादच्या सिंद्री विधानसभा मतदारसंघातील भाजप आमदार इंद्रजित महतो हे दोन वर्षांपासून आजारी आहेत. कुटुंबीयांनी सांगितले की, रविवारच्या मध्यरात्री इंद्रजित महतोचा मोठा मुलगा विवेक मित्रांना भेटायला सांगून घराबाहेर पडला होता. नंतर समजले की विवेकने सल्फासच्या गोळ्या घेतल्या होत्या आणि त्याची प्रकृती खालावली होती. कुटुंबीयांनी विवेकला तात्काळ रांचीच्या मेडिकल कॉलेजमध्ये दाखल केले. मात्र, प्रकृतीत सुधारणा होत नसल्याने सोमवारी सकाळी विवेकचा मृत्यू झाला.

कुटुंबीयांनी सांगितले की, विवेक रविवारी रात्री रांचीच्या सिल्ली ग्रामीण भागात असलेल्या पॉलिटेक्निक कॉलेजमध्ये मित्राला भेटायला सांगून बाहेर गेला होता. त्यानंतर सल्फास खाल्ल्याची माहिती मिळाली.

आमदार वडीलही गंभीर आजारी आहेत

विवेकचे वडील भाजप आमदार इंद्रजित गेल्या दोन वर्षांपासून गंभीर आजारी असल्याचे सांगण्यात येत आहे. 2021 मध्ये त्यांना कोरोना झाला होता. तेव्हापासून आमदाराची प्रकृती ठीक नाही. कोरोनानंतरच्या प्रभावामुळे महतो यांना हैदराबाद येथील रुग्णालयात दाखल करण्यात आले होते. तेथे त्याच्यावर उपचार सुरू आहेत.

वडिलांच्या आजारपणामुळे विवेक तणावाखाली –

विवेकच्या मृत्यूवर भाजप नेत्या निताई राजवार यांनी सांगितले की, विवेक त्याचे वडील इंद्रजित यांच्या प्रकृती अस्वास्थ्यामुळे अनेक दिवसांपासून डिप्रेशनमध्ये होता. याशिवाय तो त्याच्या अभ्यासाबाबतही तणावाखाली होता. काही दिवसांपूर्वी तो दिल्लीत बीटेकची परीक्षा देऊन रांचीला पोहोचला होता.

भाजप नेत्यांनी व्यक्त केला शोक –

घटनेची माहिती मिळताच भाजप आमदार समरी लाल आणि झामुमोचे आमदार मथुरा प्रसाद महतो यांनी रांची येथील पोस्टमॉर्टम हाऊस गाठले आणि प्रकरणाची चौकशी केली. त्याचवेळी भाजप नेते बाबुलाल मरांडी यांनीही शोक व्यक्त केला असून ही घटना दुःखद असल्याचे म्हटले आहे. तसेच कुटुंबाप्रती शोक व्यक्त केला.

दरम्यान, या संपूर्ण प्रकरणाचा तपास सुरू असल्याचे पोलिसांनी सांगितले आहे. विवेकच्या मृतदेहाचे पोस्टमार्टम करण्यात आले आहे. अहवाल आल्यानंतर स्थिती स्पष्ट होईल. ग्रामीण एसपी नौशाद आलम यांनी सांगितले की, घटनेची माहिती घेतली जात आहे. कुटुंबीयांसह इतर परिचितांचीही चौकशी सुरू आहे. मृत्यूचे कारण लवकरच समोर येईल. याप्रकरणी गुन्हा दाखल करण्यात आला आहे.