नवी दिल्ली – भाजपचे ज्येष्ठ नेते आणि जिल्हा सहकारी मध्यवर्ती बँकेचे माजी अध्यक्ष प्रितपाल बेलचंदन यांना पोलिसांनी सोमवारी अटक केली. सहकारी बँकेचे अध्यक्ष असताना त्यांनी 15 कोटींचा घोटाळा केल्याचा आरोप त्यांच्यावर आहे. प्रितपाल बेलचंदन यांनी जामिनासाठी उच्च न्यायालयात याचिका दाखल केली होती, ती फेटाळण्यात आली आहे. हे प्रकरण छत्तीसगड मधील दुर्ग येथील सिटी कोतवाली भागातील आहे.

छत्तीसगड भाजपचे ज्येष्ठ नेते आणि जिल्हा सहकारी मध्यवर्ती बँकेचे माजी अध्यक्ष प्रितपाल बेलचंदन यांना पोलिसांनी सोमवारी अटक केली. सहकारी बँकेचे अध्यक्ष असताना त्यांनी आपल्या परिचितांना फायदा करून देण्यासाठी अनुदानाची रक्कम आणि कर्ज देण्याच्या नावाखाली 15 कोटी रुपयांचा घोटाळा केल्याचा आरोप आहे.

प्रितपाल बेलचंदन हे डोंगरगाव विधानसभेचे भाजप प्रभारी आहेत. याशिवाय 2008 मध्ये त्यांनी विधानसभा निवडणूकही लढवली होती. 2014 मध्ये भाजप सरकारने त्यांना जिल्हा सहकारी मध्यवर्ती बँकेचे मर्यादित दुर्गचे अध्यक्ष केले. या काळात त्यांनी पदावर असताना अनुदान रक्कम आणि कर्जात १४.८९ कोटी रुपयांचा घोटाळा केल्याचा आरोप आहे. या प्रकरणी 2021 मध्ये बँकेचे सीईओ पंकज सोधी यांनी तक्रार दिली होती. तपासाअंती पुरावे योग्य आढळल्याने पोलिसांनी एफआयआर नोंदवला होता.

न्यायालयाने जामीन अर्ज फेटाळला. आता न्यायालयाच्या आदेशावरून पोलिसांनी प्रितपाल बेलचंदनला अटक केली आहे. पोलिसांनी आरोपीला उच्च न्यायालयात हजर केले, तेथून त्याची कारागृहात रवानगी करण्यात आली आहे. दुर्गचे एसपी शलभ सिन्हा म्हणाले की, उच्च न्यायालयाच्या आदेशानुसारच कारवाई करण्यात आली आहे.