Bachchu Kadu ।  Maharashtra Assembly Elections 2024 : महाराष्ट्र विधानसभा निवडणुकीसाठी भारतीय जनता पक्षाने आज उमेदवारांची पहिली यादी जाहीर केली. या यादीत ९९ उमेदवारांचा समावेश आहे. भाजपने प्रहार पक्षाचे नेते बच्चू कडू यांचा पारंपरिक मतदारसंघ असलेल्या अचलपूरमध्ये देखील उमेदवार देत कडू यांच्या विरोधात दंड थोपटले आहेत.

बच्चू कडूंची राजकीय पार्श्वभूमी

बच्चू कडू यांची महायुती सरकारमध्ये महत्वाचे नेते म्हणून ओळख होती. परंतु मंत्रिपदाची अपेक्षा पूर्ण न झाल्याने त्यांनी आपली नाराजी अनेकदा जाहीरपणे व्यक्त केली होती.

विधानसभा निवडणुकांच्या तोंडावर, त्यांनी आपल्या पक्षासह सरकारामधून बाहेर पडण्याचा निर्णय घेतला असून सध्या ते संभाजी महाराज छत्रपती यांच्यासह तिसऱ्या आघाडीचा भाग आहेत.

अचलपूरमधील उमेदवारी

भाजपने अचलपूरमध्ये बच्चू कडू यांच्याविरोधात प्रविण तायडे यांना उमेदवार म्हणून निवडले आहे. प्रविण तायडे हे याआधी अमरावती जिल्हा परिषदेचे सदस्य होते. बच्चू कडू यांना तायडे कशी फाईट देतात हे आता आगामी विधानसभा निवडणुकांच्या निकालामधूनच कळेल.