Bilawal Bhutto: भारताने सिंधू पाणी करार निलंबित केल्यामुळे पाकिस्तान हवालदिल झाला आहे. सुरुवातीला, त्यांनी भारताला हा करार पुनर्संचयित करण्याचे आवाहन केले होते, परंतु आता दिल्लीची भूमिका स्पष्ट झाल्यानंतर ते संभ्रमात आहेत.

पाकिस्तानी खासदार, मंत्री आणि वरिष्ठ नेते विविध जागतिक व्यासपीठांवरून हा करार वाचवण्यासाठी विनवणी आणि धमक्या देत आहेत. पाकिस्तानमधील इस्लामाबाद येथे सिंधू पाणी करारावर एक आंतरराष्ट्रीय परिषद आयोजित करण्यात आली होती. यात अनेक पाकिस्तानी मंत्री, खासदार आणि आंतरराष्ट्रीय कायदा व जल तज्ज्ञांनी सहभाग घेतला.

भारताच्या निर्णयाविरोधात जागतिक पाठिंबा मिळवणे हा या परिषदेचा उद्देश होता. पाकिस्तान पीपल्स पार्टीचे नेते बिलावल भुट्टो झरदारी यांनी पुन्हा एकदा चिथावणीखोर वक्तव्ये केली आहेत.

‘सिंधू करार’ पाकिस्तानवर केलेला उपकार नव्हता  Bilawal Bhutto: 

बिलावल भुट्टो म्हणाले, “सिंधू पाणी करार हा पाकिस्तानवर केलेला उपकार नव्हता; तो दोन्ही देशांमधील एक आंतरराष्ट्रीय करार आहे.” पीपीपी प्रमुख म्हणाले की, सिंधू पाणी कराराचा आदर केलाच पाहिजे.

जगातील कोणत्याही करारावर प्रश्नचिन्ह निर्माण  होणार 

पाकिस्तानचे पर्यावरण मंत्री, मुसद्दीक मलिक, सिंधू पाणी कराराचे समर्थन करताना म्हणाले, “जर एखादा शक्तिशाली देश एकतर्फीपणे आंतरराष्ट्रीय करार निलंबित करू शकत असेल, तर जगातील कोणत्याही कराराच्या विश्वासार्हतेवर प्रश्नचिन्ह निर्माण होईल.” ते म्हणाले की, सिंधू पाणी करार हा जगातील सर्वात मजबूत आंतरराष्ट्रीय करारांपैकी एक आहे.

इशाक दार यांची भारताला धमकी Bilawal Bhutto: 

पाकिस्तानचे उपपंतप्रधान आणि परराष्ट्र मंत्री, इशाक दार यांनी परिषदेत भारताला धमकी दिली. ते म्हणाले, “सिंधू पाणी करार हा केवळ पाणी वाटपाचा करार नाही, तर दक्षिण आशियातील शांतता, स्थिरता आणि सहकार्याचा एक मजबूत पाया आहे.” ते म्हणाले की, सामायिक जलस्रोतांचा शस्त्र म्हणून कधीही वापर केला जाऊ नये.

इशाक दार म्हणाले, “जर पाकिस्तानच्या हक्कांशी तडजोड केली गेली, तर त्याचा परिणाम संपूर्ण प्रदेशाच्या शांततेवर आणि सुमारे दोन अब्ज लोकांच्या हितावर होईल.”असे म्हटले आहे.