Bilawal Bhutto exposes Pakistan । “जिहाद पाकिस्तानच्या भूमीतून सुरू आहे” अशी स्प्ष्टपणे कबुली पाकिस्तान पीपल्स पार्टीचे अध्यक्ष आणि माजी पाकिस्तान परराष्ट्र मंत्री बिलावल भुट्टो झरदारी यांनी दिली आहे. तसेच त्यांनी म्हटले आहे की, त्यांना भूतकाळापासून पळून जायचे नाही आणि पाकिस्तानचे माजी हुकूमशहा देशाच्या ‘जिहादीकरण’साठी जबाबदार होते” असे म्हणत त्यांनी सलग दुसऱ्यांदा पाकिस्तनाचा पर्दाफाश केला आहे. गेल्या शुक्रवारी बिलावल यांनी एका वृत्तवाहिनीला दिलेल्या मुलाखतीत, “जर नवी दिल्लीने या प्रक्रियेत सहकार्य करण्याची तयारी दाखवली तर विश्वास निर्माण करण्यासाठी पाकिस्तानला लष्कर-ए-तैयबा प्रमुख हाफिज सईद आणि जैश-ए-मोहम्मद प्रमुख मसूद अझहर सारख्या त्रासदायक लोकांना भारताच्या स्वाधीन करण्यास कोणताही आक्षेप नाही” असे म्हटले होते. या मुलाखतीत बिलावल भुट्टो झरदारी म्हणाले की, “तुम्ही ज्या गटांबद्दल बोलत आहात (जैश-ए-मोहम्मद आणि लष्कर-ए-तैयबा) त्यांना आपल्या देशाने केवळ पाकिस्तानबाहेरच नव्हे तर पाकिस्तानातही दहशतवादी हल्ले करण्याची परवानगी दिली नाही.” पहलगामच्या घटनेला म्हटले दहशतवादी हल्ला Bilawal Bhutto exposes Pakistan । बिलावल भुट्टो यांनी पाकिस्तानला दहशतवादाचा बळी म्हणत आजपर्यंत आम्ही एकूण ९२,००० लोक गमावले आहेत. त्यांनी सांगितले की मी स्वतः दहशतवादाचा बळी आहे. त्यांनी पहलगाम हल्ल्याला दहशतवादी हल्ला म्हटले आणि पहलगाम दहशतवादी हल्ल्यातील बळींचे दुःख त्यांना समजते. या हल्ल्यातील बळींच्या कुटुंबियांना ज्या वेदना होत आहेत त्या त्यांना समजतात” असे सांगितले. बिलावल भुट्टो यांची आई बेनझीर भुट्टो पाकिस्तानच्या पंतप्रधान राहिल्या आहेत. त्यांची पाकिस्तानात दहशतवाद्यांनी हत्या केली. बिलावल यांचे आजोबा झुल्फिकार अली भुट्टो देखील पाकिस्तानचे पंतप्रधान राहिले आहेत. मुलाखतीदरम्यान, जेव्हा त्यांना तुमचे वडील आसिफ अली झरदारी हे देखील म्हणत आहेत की आजचे दहशतवादी भूतकाळातील नायक होते. तुमच्या वडिलांनीही पाकिस्तानमध्ये दहशतवादी गटांची स्थापना स्वीकारली आहे. यावर बिलावल भुट्टो संतापले. ते म्हणाले, “आपण भूतकाळापासून पळत नाही आहोत, परंतु भूतकाळात अडकून वास्तवाकडे दुर्लक्ष करू नये. पाकिस्तानने आंतरराष्ट्रीय समुदाय आणि हुकूमशहा जनरल झिया-उल-हक यांच्याशी संगनमत करून पाकिस्तानला एक समाज म्हणून ‘जिहादी’ करण्याची योजना आखली जेणेकरून आपण अफगाणिस्तानच्या संदर्भात त्यांची लढाई लढू शकू.” असे त्यांनी म्हटले. पुढे बिलावल म्हणाले, “पाकिस्तानी गटांना किंवा पाकिस्तानमध्ये उपस्थित असलेल्या व्यक्तींना आंतरराष्ट्रीय समुदायाने अफगाणिस्तानच्या संदर्भात ‘जिहाद’ करण्यासाठी प्रशिक्षित केले होते. ही भूतकाळातील गोष्ट आहे. हे भूतकाळात घडले आहे.” बिलावल म्हणाले की अल कायदा असो किंवा इतर कोणतीही दहशतवादी संघटना, ते सर्व अफगाणिस्तान जिहादशी संबंधित होते. अफगाणिस्तान जिहाद संपल्यानंतर, काही गटांनी ९/११ घडवण्याचा निर्णय घेतला. यातील काही गट काश्मीरमध्ये जिहाद करण्यासाठी गेले होते. त्यावेळी पाकिस्तानमध्ये असे काही लोक होते जे या गटांना विरोध करत नव्हते. पाकिस्तानचे माजी परराष्ट्र मंत्री बिलावल भुट्टो म्हणाले की, लष्कर-ए-तोयबाचा संस्थापक हाफिज सईद यांच्याबाबत, पाकिस्तानने एप्रिल २०२२ मध्ये दहशतवादाला आर्थिक मदत केल्याबद्दल ३१ वर्षांच्या तुरुंगवासाची शिक्षा सुनावली आहे. मुंबई दहशतवादी हल्ल्याच्या प्रकरणात, त्यांनी भारतावर खटल्यात सहभागी होण्यास आणि त्यांचे जबाब नोंदवण्यासाठी आवश्यक साक्षीदार सादर करण्यास नकार दिल्याचा आरोप केला. Bilawal Bhutto exposes Pakistan ।
