Bihar Elections 2025 : बिहारच्या राजकारणात नवीन चेहऱ्यांचा प्रवेश सुरू झाला आहे. पवन सिंह आणि मैथिली ठाकूर यांच्यानंतर आता प्रसिद्ध भोजपुरी अभिनेत्री अक्षरा सिंग यांच्या राजकीय भेटीमुळे बिहारमधील राजकीय वातावरण तापले आहे. अक्षरा सिंगने मंगळवारी केंद्रीय मंत्री गिरिराज सिंह यांच्यासोबत झालेल्या भेटीचा फोटो शेअर केला.

सोशल मीडियावर हा फोटो दिसल्याने राजकीय वर्तुळात चर्चांना उधाण आले आहे. फोटोमध्ये ती केंद्रीय मंत्री गिरिराज यांच्यासोबत बसलेली दिसत आहे. अक्षराने फोटोवर लिहिले आहे, सौजन्य भेट घेतली आणि बिहारच्या केंद्रीय मंत्र्यांकडून आशीर्वाद घेतले.

अक्षरा सिंगची पोस्ट राजकीय वर्तुळात वाऱ्यासारखी पसरत आहे आणि ती बिहार निवडणूक रिंगणात उतरण्याची तयारी करत आहे का, याबद्दल अटकळ बांधली जात आहे. सध्या, तिच्या राजकीय वाटचालीबाबतची परिस्थिती अस्पष्ट आहे.

निवडणुका जवळ येताच हे स्पष्ट होईल, परंतु अनेक बिहारी कलाकार रिंगणात उतरण्यास तयार आहेत. यामुळे भाजप कलाकारांच्या माध्यमातून बिहारमध्ये रणनीती आखत आहे का अशी चर्चा केली जाते आहे.