वॉशिंग्टन : ब्रह्मांडात आपली पृथ्वी आणि आकाशगंगा एकमेव नाही. अशा अनेक असंख्या आकाशगंगा अस्तित्वात आहेत. त्यामुळे ब्रह्मांडात अनेक घटना घडत असतात. याविषयी ऐकूण आपण अनेकदा अवाक होतो. मात्र, आता सर्वात चकित करणारी घटना घडल्याचं समोर आलंय.

ब्रह्मांडात आतापर्यंतचा सर्वात मोठा स्फोट झाला आहे. पृथ्वीपासून एक अब्ज प्रकाश वर्ष अंतरावर हा गामा-रे स्फोट झालाय. हा स्फोट चमकणाऱ्या एक्स-रे आणि गामा-रेचं कॉम्बिनेशन असल्याचंही सांगितलं जातंय.

जर्मनीच्या हॅम्बर्गचे जर्मन इलेक्ट्रॉन सिंक्रोटोनचे शास्त्रज्ञांनी या स्फोटामागील कारणंही सांगितली आहेत. ते म्हणाले, “ही घटना एका ताऱ्याचा मृत्यूनंतर झाली. यानंतर हा मृत ताऱ्याचं रुपांतर एका ब्लॅक होलमध्ये झालं. त्याचवेळी ही घटना कॅमेरात कैद करण्यात शास्त्रज्ञांना यश आलं.

ही घटना नामिबियाचे शास्त्रज्ञांनी हाय एनर्जी स्टीरियोस्कोपिक सिस्टम टेलीस्कोपच्या मदतीने कॅमेऱ्यात कैद केली. फोटो घेण्यासाठी अंतराळातील फर्मी आणि स्विफ्ट टेलिस्कोपचाही उपयोग झाला. हा स्फोट पृथ्वीपासून कोट्यावधी प्रकाशवर्ष अंतरावर झाला असला तरी शास्त्रज्ञांच्या मते हा आतापर्यंतचा पृथ्वीपासून सर्वात जवळचा पहिला स्फोट होता.

याबाबत जर्मन इलेक्ट्रॉन सिंक्रोटोनचे शास्त्रज्ञ डॉक्टर अँड्र्यू टेलर म्हणाले, या स्फोटानंतर गामा-रे आगामी अनेक दिवस अंतराळात असेच दिसत राहतील.

सायन्स जरनल पेपरच्या शास्त्रज्ञ सिल्विया ज्हू म्हणाल्या, संबंधित तारा वेगाने फिरत होता. यानंतर तो मृत होऊन ब्रह्मांडात मोठा स्फोट झाला. हाच स्फोट कैद करण्यात आला. स्फोटानंतरचं उत्सर्जन दोन प्रकारात विभागण्यात आलं आहे.

पहिल्या टप्प्यात केवळ काही सेकंदच स्फोट होताना दिसतो. मात्र, दुसऱ्या टप्प्यात अनेक दिवस आफ्टरग्लो पाहायला मिळतो. सूर्याच्या 5 किंवा 10 पट मोठ्या ताऱ्यांचा स्फोट झाला किंवा त्यांचं रुपांतर अचानक ब्लॅक होलमध्ये झाल्यानंतरच इतका शक्तीशाली स्फोट होऊ शकतो असं मत शास्त्रज्ञ व्यक्त करत आहेत.

जेव्हा दोन न्यूट्रोन स्टार एकमेकांवर आदळतात आणि ब्लॅक होल तयार होतं तेव्हा ही घटना होते. अँड्रयू टेलर म्हणाले, गामा रेचा स्फोट झाला तेव्हा आम्ही येथेच बसलो होतो. आता अनेक दिवस आफ्टरग्लो दिसेल.