पंतप्रधान मोदी ५ देशांच्या दौऱ्यावर रवाना ; घाना, नाम्बियासह महत्वाच्या देशांना भेट देणार, वाचा संपूर्ण वेळापत्रक
PM Modi। पंतप्रधान नरेंद्र मोदी आजपासून पाच देशांच्या दौऱ्यावर रवाना झाले आहेत. आज पंतप्रधान पहिला देश म्हणजे घानाच्या अधिकृत दौऱ्यावर रवाना झाले. पंतप्रधान मोदी घाना, त्रिनिदाद आणि टोबॅगो, अर्जेंटिना, ब्राझील आणि नाम्बियासह पाच देशांना भेट देणार आहेत. याशिवाय ते ब्राझीलमध्ये होणाऱ्या ब्रिक्स शिखर परिषदेतही सहभागी होणार आहेत.
पंतप्रधान मोदी २ ते ३ जुलै या दौऱ्याच्या पहिल्या टप्प्यात घानामध्ये असतील. गेल्या ३ दशकांत भारतीय पंतप्रधानांचा घानाला हा पहिलाच दौरा असणार आहेत. घानाच्या राष्ट्रपतींसोबतच्या द्विपक्षीय बैठकीत ते आर्थिक, ऊर्जा आणि संरक्षण सहकार्य वाढवण्यावर चर्चा करतील.
पंतप्रधान मोदींनी त्यांच्या दौऱ्याबद्दल काय म्हटले? PM Modi।
पंतप्रधान मोदी आज परदेश दौऱ्याला रवाना होताना, उदयोन्मुख अर्थव्यवस्थांमध्ये सहकार्यासाठी भारत ब्रिक्सला एक महत्त्वाचे व्यासपीठ म्हणून वचनबद्ध आहे” असे म्हटले. त्यांनी सांगितले की, “एकत्रितपणे आपण अधिक शांततापूर्ण, समतापूर्ण, न्याय्य, लोकशाही आणि संतुलित बहुध्रुवीय जागतिक व्यवस्था निर्माण करण्यासाठी प्रयत्नशील आहोत.”
त्रिनिदाद आणि टोबॅगोची भेट का महत्त्वाची आहे? PM Modi।
त्रिनिदाद आणि टोबॅगो हे भारतासाठी सांस्कृतिक आणि ऐतिहासिकदृष्ट्या महत्त्वाचे आहेत. या देशात भारतीय वंशाच्या लोकांची मोठी लोकसंख्या आहे, जे १९ व्या शतकातील भारतातून आलेल्या स्थलांतरितांचे वंशज आहेत. हा डायस्पोरा भारत आणि त्रिनिदाद आणि टोबॅगो यांच्यातील एक मजबूत सांस्कृतिक पूल म्हणून काम करतो.
#WATCH | Delhi: Prime Minister Narendra Modi emplanes for Ghana.
PM Narendra Modi embarks on a five-nation tour including Ghana, Trinidad and Tobago, Argentina, Brazil, and Namibia. PM Modi will also participate in the BRICS Summit in Brazil. pic.twitter.com/Y8qAVrflVw
— ANI (@ANI) July 2, 2025
पंतप्रधान मोदींच्या भेटीची संपूर्ण माहिती
पंतप्रधान मोदी ३ आणि ४ जुलै रोजी त्रिनिदाद-टोबॅगो येथे असतील. १९९९ नंतर भारतीय पंतप्रधानांचा हा पहिलाच दौरा असेल. त्यानंतर पंतप्रधान मोदी ४ आणि ५ जुलै रोजी दौऱ्याच्या तिसऱ्या टप्प्यात अर्जेंटिनाला भेट देतील, जिथे ते संरक्षण, शेती, खाणकाम, तेल आणि वायू आणि व्यापार यासह अनेक क्षेत्रांमधील भागीदारींवर चर्चा करतील. यानंतर, पंतप्रधान मोदी ब्रिक्स बैठकीत सहभागी होण्यासाठी ब्राझीलला जातील आणि ९ जुलै रोजी नामिबियाला भेट देतील.
ब्राझील हा भारताचा एक महत्त्वाचा भागीदार आहे, विशेषतः तो ब्रिक्स (ब्राझील, रशिया, भारत, चीन, दक्षिण आफ्रिका) सारख्या जगातील मोठ्या देशांच्या गटात समाविष्ट आहे. भारत आणि ब्राझीलमधील व्यापार १२.२० अब्ज डॉलर्सपर्यंत पोहोचला आहे. औषधनिर्माण, ऑटोमोबाईल्स आणि ऊर्जा यासारख्या क्षेत्रात सहकार्य वाढत आहे.
