Bigg Boss Marathi 5 । Suraj Chavan : ‘बिग बॉस मराठी’च्या घरातील सर्वच सदस्य चर्चेत आहेत. पण गोलीगत सूरज चव्हाणची सर्वाधिक चर्चा होत आहे. ‘बिग बॉस मराठी’च्या घरात सुरुवातीचे काही दिवस सूरज शांत होता. त्याला खेळ कळत नव्हता. त्यामुळे अंकिता, पॅडी दादासह अनेक सदस्य वेळोवेळी त्याची मदत करताना दिसून आले. आता मदत केलेल्या पॅडी दादांनाच सूरज उलट उत्तर देत असलेलं आजच्या भागात पाहायला मिळणार आहे. ‘बिग बॉस मराठी’च्या नुकत्याच समोर आलेल्या प्रोमोमध्ये, टास्कदरम्यान पॅडी दादा सूरजला म्हणत आहेत,”अरे मध्ये बोलू नको”. टास्कनंतर पॅडी सूरजसोबत बोलायला येतात पण सूरज मात्र त्यांना नकार देतो. त्यामुळे अंकिता सूरजला म्हणते,”तू अशी किंमत ठेवणार नाहीस… तर तुझ्यासाठी कोणी उभं राहणार नाही”. पॅडी सूरजला म्हणतात, “सॉरी मगाशी ओरडलो त्याबद्दल. यापुढे तू काही गडबड करत असशील तर सांगणार नाही. तुला जसं वागायचंय तसं वाग”. आता सूरज पॅडी दादांसोबत बोलायला जाणार का? हे पाहावे लागेल.
