मुंबई – छोट्या पडद्यावरील प्रसिद्ध अभिनेता आणि बिग बॉस 13 चे विजेता सिद्धार्थ शुक्लाचं 2 सप्टेंबर 2021 रोजी हृदयविकाराच्या झटक्यानं निधन झाले आहे. सिद्धार्थ शुक्लाने झोपण्याच्या काही तासापूर्वी औषधे घेतली होती, पण त्यानंतर तो उठू शकला नाही. अद्यापही सिद्धार्थच्या निधनाने संपूर्ण बॉलिवूड जगतात हळहळ व्यक्त केली जाते.

दरम्यान, बिग बॉस सिझन 13 मध्ये फर्स्ट रनर अप ठरलेला स्पर्धक आसिम रियाजनं जवळपास 3 वर्षांनी आता एक मोठा खुलासा करत खळबळ उडवली आहे. ‘सिद्धार्थ शुक्लाचं जिंकणं ठरलेलं होतं…’ असं म्हणून त्यानं अनेक प्रश्न निर्माण केले आहेत. त्याने बिग बॉस 13 स्क्रिप्टेड शो असल्याचं देखील म्हंटलं आहे. ठरून सिद्धार्थ शुक्लाला बिग बॉस 13 चा विजेता केला आहे. असं तो म्हणाला आहे.

आसिम रियाज म्हणाला की, ”माझ्या वेळेस त्यांना वाटत होतं मी जिंकू नये आणि ते त्यांनी घडवून आणलं, त्यांनी 15 मिनिटांसाठी ऑनलाइन वोटिंग ओपन केली आणि ज्याला तुम्हाला जिंकवायचंय त्याला जिंकवा असं त्यावेळी म्हटलं होतं. हे असं करण्यापेक्षा स्पष्ट सांगा ना की तुम्हाला मला जिंकवायचं नव्हतं.

मला त्याची खंत नाही. तुम्ही गोष्टी इतक्या घडवून आणल्यात की माझा देखील विश्वास बसला त्या गोष्टींवर. मी देखील त्या निर्णयाचं स्वागत केलं”. असं आसिम रियाज म्हणाला आहे. आसिम रियाजच्या या उत्तराने बिग बॉस संदर्भात अनेक नवीन प्रश्न सध्या प्रेक्षकांसमोर उपस्थित झाल्याचं पाहायला मिळत आहे.

दरम्यान, टी.व्ही सीरियल बालिका वधूमधून सिद्धार्थ घराघरात पोहचला. तिच सीरियल त्यांच्या आयुष्याला वेगळ वळण देऊन गेली. त्यानंतर त्याने कधीच मागे वळून पाहिले नाही. बिग बॉसचं तेरावं पर्व त्याने चांगलंच गाजवलं होतं. त्याने हम्प्टी शर्मा की दुल्हनिया या चित्रपटातून बॉलिवूडमध्ये पदार्पण केले.