Pune Metro : पुण्यात वाहतूक कोंडी ही नित्याचीच बाब बनली आहे. दररोज पुणेकरांना वाहतूक कोंडीतून वाट काढत जावं लागतं. यामुळे कोंडीचे लागलेलं ग्रहण दूर करण्यासाठी पुणे मेट्रोने मोठा निर्णय घेतला आहे. आता गर्दीची वेळी दर ६ मिनिटांनी मेट्रो धावणार आहे. ही खरंतर पुणेकरांसाठी दिलासा देणारी बातमी आहे. तर ज्यावेळी गर्दी नसेल त्यावेळी मात्र, नेहमीप्रमाणे दर १० मिनिटांनी एक ट्रेन धावणार असल्याची माहिती पुणे मेट्रोच्या वतीने देण्यात आली आहे.

स्वातंत्रदिनी म्हणजेच १५ अॅागस्टपासून हा निर्णय लागू होणार आहे. त्यानुसार दररोज सकाळी ९ ते ११ आणि सायंकाळी ४ ते ८ या वेळेत दर सात मिनिटांनी एक ट्रेन अशी सेवा प्रवाशांना दिली जाते. मात्र, आता १५ ऑगस्पासून पुणे मेट्रो गर्दीच्या वेळेस दर सहा मिनिटांनी एक ट्रेन अशी सेवा प्रवाशांना दिली जाणार आहे. हा निर्णय प्रशासनाने घेतला असल्याची माहिती महामेट्रोचे व्यवस्थापकीय संचालक श्रावण हर्डीकर यांनी दिली आहे.

फेऱ्या वाढणार.

पुणे मेट्रोच्या दोन्ही मार्गिका मिळून ४९० फेऱ्या मेट्रोची सेवा पुरवण्यात येते. आता नवीन निर्णय लागू झाल्यानंतर यामध्ये मोठा बदल होणार असून, दर ६ मिनिटाला ट्रेन यामुळे अधिक ६४ फेऱ्या वाढणार आहेत. त्यानुसार १५ ऑगस्टपासून एकूण फेऱ्या ५५४ वाढणार आहे. ६ मिनिटांचा कालावधी आणण्यासाठी त्यासाठीच्या संबंधित तांत्रिक चाचण्या मेट्रोकडून पूर्ण करण्यात आल्या आहेत.

प्रवासी संख्या वाढली.

खरंतर ज्यावेळी पुण्यात मेट्रो सेवेला सुरुवात करण्यात आली. सुरुवातीला मेट्रोला पुणेकरांना पाठ फिरवल्याचे चित्र होते. मात्र, त्यानंतर पुणेकर मेट्रोने प्रवास करत असून, मेट्रो सेवेला उंदड प्रतिसाद देत आहेत. जुलै महिन्यात दैनंदिन प्रवासी संख्या १,९२,००० पर्यंत वाढली आहे.

हेही वाचा : पंतप्रधान मोदींचे स्वातंत्र्यदिनाचे भाषण कसे असणार? ; जम्मू-काश्मीरबाबतही मोठी घोषणा होणार ?