Anil Ambani : ईडीने आज ६ मार्च सकाळी प्रसिद्ध उद्योगपती अनिल अंबानी यांच्या रिलायन्स कम्युनिकेशन्स लिमिटेड आणि त्यांच्याशी संबंधित कंपन्यांच्या आवारात मोठी छापेमारी केल्याची मोठी बातमी समोर आली आहे. मिळालेल्या माहितीनुसार, ईडीच्या (ED) सुमारे १५ पथकांनी एकाच वेळी १० ते १२ ठिकाणी धाड टाकली आहे. या कारवाईत रिलायन्स पॉवर लिमिटेडशी संबंधित व्यक्ती आणि कंपन्यांच्या व्यवहारांची तपासणी केली जात केली जात आहे. बँक फसवणूक आणि मनी लाँड्रिंगशी संबंधित जुन्या प्रकरणांचा तपास पुढे नेण्यासाठी ही कारवाई करण्यात आल्याची माहिती आहे. ईडीने अनिल अंबानींना चौकशीसाठी अनेक वेळा समन्स बजावले आहेत. ज्यामध्ये फेब्रुवारी २०२६ मध्ये ९ तासांपेक्षा जास्त काळ चौकशी करण्यात आली होती. आता ईडीने थेट छापेमारी केल्याने अनिल अंबानींचा अडचणी आणखी वाढल्याचे चित्र आहे. ईडीने आरकॉमचे माजी संचालक, सहकारी आणि संबंधित व्यक्तींच्या घरांवर आणि कार्यालयांवर लक्ष केंद्रित केले आहे. हा छापा आरकॉमशी संबंधित ४०००० कोटींपेक्षा जास्त किमतीच्या बँक फसवणूक आणि मनी लाँड्रिंग प्रकरणाचा एक भाग आहे. छापेमारीत ईडीने कागदपत्रे, डिजिटल उपकरणे आणि इतर पुरावे जप्त केले असल्याची प्राथमिक माहिती आहे. मात्र, अधिकृतपणे याबाबत माहिती जारी करण्यात आलेली नाही. सूत्रांनी माहितीनुसार, आजच्या छाप्यात कागदपत्रे, डिजिटल उपकरणे आणि इतर पुरावे जप्त केले जात आहेत. ईडीने अनिल अंबानींचे मुंबईतील आलिशान निवासस्थान, “अॅबोड” आधीच जप्त केले आहे. याव्यतिरिक्त, १५००० कोटींपेक्षा जास्त किमतीची मालमत्ता जप्त करण्यात आली आहे. ही कारवाई प्रामुख्याने विविध बँकांकडून कर्जाचा गैरवापर केल्याच्या आरोपांवरुन केली जात आहे. नेमका आरोप काय? Anil Ambani Anil Ambani News आरकॉमने एसबीआय आणि येस बँकेसह विविध बँकांकडून घेतलेले कर्ज संबंधित संस्था आणि परदेशी खात्यांमध्ये वळवले असल्याचा आरोप आहे. त्यात चीनच्या सरकारी मालकीच्या बँकांना १३,५५८ कोटी रुपयांचे कर्ज दिल्याचाही उल्लेख आहे. मनी लाँड्रिंगचा आरोप असून ही चौकशी २०१९ च्या सीबीआय एफआयआरवर आधारित आहे. सर्वोच्च न्यायालयाच्या निर्देशांनुसार अंमलबजावणी संचालनालयाने (ईडी) एक विशेष तपास पथक (एसआयटी) स्थापन केले असून, या प्रकरणाची चौकशी करत आहे. १७ मजली घर “अॅबोड” कारवाईत जप्त Anil Ambani २०१९ च्या सीबीआय एफआयआरच्या आधारे ईडी या प्रकरणाची चौकशी करत आहे. यापूर्वी तपास यंत्रणेने अनील अंबानींचे मुंबईतील १७ मजली घर “अॅबोड” जप्त केले होते. रिलायन्स पॉवर ही वीज निर्मिती आणि वितरण क्षेत्रातील एक आघाडीची कंपनी आहे. ही कंपनी अनिल अंबानी यांच्या नेतृत्वाखालील रिलायन्स ग्रुपचा भाग आहे. तिच्या पोर्टफोलिओमध्ये थर्मल (कोळसा आणि वायू), अक्षय (सौर, पवन आणि जलविद्युत), आणि बॅटरी एनर्जी स्टोरेज सिस्टम (BESS) यांचा समावेश आहे. हेही वाचा : Sukhoi Crash in Assam: हवाई दलाच्या विमानाच्या अपघातात दोन वैमानिक शहीद ; अपघातात दोघेही झाले होते जखमी
