India’s exports: जानेवारी महिन्यात आतापर्यंत भारताची निर्यात सकारात्मक पातळीवर आहे आणि आगामी महिन्यात जास्त प्रमाणात वाढणार असल्याचे वाणिज्य सचिव राजेश अग्रवाल यांनी सांगितले. आतापर्यंत युरोप आणि अमेरिकेबरोबर व्यापार करार झाला असला तरी त्याची अंमलबजावणी झालेली नाही. अशा परिस्थितीतही जानेवारी महिन्यातील निर्यात वाढली आहे. कराराच्या अंमलबजावणीनंतर ही निर्यात जास्त प्रमाणात वाढू शकेल असे ते म्हणाले. जागतिक व्यापार 800 अब्ज डॉलरवर जाणार – जानेवारी महिन्यासंदर्भातील आकडेवारी लवकरच उपलब्ध होणार आहे. यामध्ये निर्यात वाढल्याची बाब दिसून येईल असे ते म्हणाले. भारताच्या सेवा क्षेत्राच्या निर्यातीबरोबरच वस्तू क्षेत्राची निर्यातही वाढली आहे. कारण भारताने या अगोदरच अनेक देशाबरोबर व्यापार करार केलेले आहेत. त्याचबरोबर एकूणच निर्यात वाढावी यासाठी गेल्या दहा वर्षापासून प्रयत्न करण्यात आले आहेत. त्यामुळे भारताची निर्यात वाढत आहे. वर्षाच्या अखेरीस भारताचा एकूण जागतिक व्यापार 800 अब्ज डॉलरच्या जवळपास जाईल असे ते म्हणाले. डिसेंबर महिन्यात भारताची निर्यात 38.5 अब्ज डॉलर – जर्मनीत सेंद्रिय अन्नपदार्थांचे प्रदर्शन आयोजित करण्यात आले आहे. या प्रदर्शनात भारतातील 20 राज्यातील 100 उत्पादकांनी भाग घेतला आहे. या उत्पादनांना जर्मनीसह युरोपियन बाजारपेठेतून उत्तम प्रतिसाद मिळत असल्याबद्दल त्यांनी समाधान व्यक्त केले. डिसेंबर महिन्यात भारताची निर्यात 1.87 टक्क्यांनी वाढून 38.5 अब्ज डॉलर झाली. तर आयात 8.7 टक्क्यांनी वाढून 63.5 अब्ज डॉलर झाली आहे. त्यामुळे व्यापारातील तूट अजूनही काही प्रमाणात शिल्लक आहे. ही तूट कमी करण्याचा भारत सरकारचा प्रयत्न आहे. तो आगामी एक दोन वर्षांमध्ये निश्चित यशस्वी होईल. एप्रिल -डिसेंबर या कालावधीत भारताची निर्यात 2.44 टक्क्यांनी वाढून 330.29 अब्ज डॉलर झाली आहे. गेल्या वर्षी याच कालावधीत भारताची निर्यात 300 अब्ज डॉलरची झाली होती. हेही वाचा: सुनेत्रा पवारांची मोदी-शहांशी भेट ते भारत-अमेरिका व्यापार करारात मोठे बदल… वाचा आजच्या टाॅप बातम्या
